web counter
LEXO PA REKLAMA!

SHKARKO APP

App Store
Google Play

E fundit!

x

Ministria e Drejtësisë përshëndet arrestimin e autorit që kërcënoi prokurorin

9 Shkurt 2017, 13:50, Aktualitet CNA

Përmes një deklarate për mediat, Ministria e Drejtësisë ka reaguar në lidhje me prangosjen e një shtetasi që kërcënoi prokurorin e Prokurorisë  Krujë, Bujar Memia. Teksa ka përshëndetur arrestimin autorit që kërcënoi prokurorin,  ky institucion bën me dije se do të inkurajojë me forcë punën e prokurorisë në luftën me krimin e organizuar, si dhe me ata që kryejnë vepra penale të të gjitha natyrave.

?Ministria e Drejtësisë mbështet gjithashtu punën e dhjetra prokurorëve të ndershëm, që respektojnë ligjin e që përballen në mënyrë të përditshme me botën e krimit edhe duke sakrifikuar në emër të sigurisë publike dhe qetësisë së jetës së qytetarëve shqiptarë.

Ne dënojmë prerë dhe në mënyrë kategorike çdo lloj kërcënimi që ju bëhet punonjësve të ligjit.

Dënojmë gjithashtu retorikat e çdo lloji dhe ngado që ato vijnë dhe që dekurajojnë këta punonjës të ndershëm të ligjit në misionin e tyre, për të çuar përpara drejtësisë kriminelët, të korruptuarit dhe dhunuesit e jetës dhe qetësisë së qytetarëve shqiptarë.

Ministria e Drejtësisë mbështet plotësisht bashkëpunimin pa asnjë kushtëzim të të gjithë institucioneve të ngarkuara me ligj, për të luftuar krimin e organizuar dhe drogën dhe do të vazhdojë të jetë e palëkundur në gadishmërinë e saj për të bashkëpunuar e bërë gjithçka që asaj ligji i ngarkon, në këtë luftë që lidhet me të ardhmen në vend?, përfundon deklarata. /CityNews

 

 





Lajmet e fundit nga