web counter
LEXO PA REKLAMA!

SHKARKO APP

App Store
Google Play

E fundit!

x

Shkatërrimi i RTVSH, Gëllçi largon në mënyrë arbitrare 3 kompozitorët e shquar

2 Shkurt 2017, 13:47, Aktualitet CNA

Partia Demokratike ka denoncuar shkarkimin e 3 kompozitorëve të njohur nga RTSH. Kreu i Departamentit të Kulturës, Arben Skënderi, deklaroi se kompozitorët e shkarkuar kanë bërë histori në krijimtarinë tonë, por u pushuan nga puna në kundërshtim të hapur me ligjin.

PD ka sulmuar drejtorin e përgjithshëm të RTSH, që sipas kësaj force politike, po shkatërron gjithçka që është ndërtuar me aq mund.
Denoncim i kreut të Departamentit të Kulturës, Arben Skenderi:
Në valën e shkatërrimit të Radio Televizionit Shqiptar, tre kompozitorët e shquar Shpëtim Saraçi, Edmond Zhulali dhe Alfred Kaçinari, të cilët kanë bërë histori në krijmtarinë tonë, pa asnjë lajmërim, në kundërshtim të hapur me ligjin si dhe në shkelje flagrante të integritetit te tyre profesional, pushohen nga puna pa asnjë mundësi reagimi apo alternativë për të vazhduar kontributin e tyre artistik.
Drejtori i pergjithshem i Radio Televizionit Shqiptar, Gëllci, shkatërron kështu gjithcka që është ndërtuar me aq mund, duke shkrire totalish redaksine e muzikes, e vetmja strukture tejet e nevojshme për institucionin që mund të perballonte denjesisht kërkesat e produksioneve si dhe e vetmja strukture artistike që ende vazhdonte të mbikqyrte kualitetin e krijmtarise.
Denoncojmë fort veprimet e kësaj natyre të cilat pa asnjë konsultim, demtojne rëndë punën e institucionit si dhe dinjitetin e tre kompozitoreve të shquar të cilët janë pjesë e historise së këtij institucioni kombëtar e publik.
Kjo është një padrejtësi me të cilën komuniteti i artistëve dhe opinion publik nuk mund të pajtohen. Kjo është një arsye më shumë për të rezistuar përballë klikës që ka zaptuar cdo pushtet, dhe një motiv për këdo që mbron vlerat, të bashkohet me protestën e madhe të 18 shkurtit./CityNews





Lajmet e fundit nga