E fundit!

15:23 Aktualitet

"Zona që ilustron më mirë çfarë është keq në Shqipëri"/ Malltezi publikon pamje nga vendgrumbullimi i plehrave në Elbasan

Jamarbër Malltezi, në Ditën Botërore të Mjedisit, ka vizit...

A do e shkarkojë Presidenti Nishani kryeprokurorin Llalla?!

2 Shkurt 2017, 13:40, Aktualitet CNA

Sot në mesditë ka ndodhur një përplasje e fortë midis ambasadorit të SHBA në Tiranë, Donald Lu, dhe Prokurorit të Përgjithshëm, Adriatik Llalla. Lu akuzoi ashpër Prokurorinë, duke theksuar se: ?Prokurori dhunoi Kushtetutën. KED duhet t?i nënshtrohet menjëherë vettingut. Prokurori i Përgjithshëm dërgoi vetëm 3 emra. Ai foli kundër reformës në drejtësi për 18 muaj?.

I menjëhershëm ishte reagimi i Prokurorisë, ku nëpërmjet një deklarate po aq të ashpër, Llalla u përgjigj duke akuzuar ambasadorin si shantazhues. Ai theksoi se ambasadori ushtronte presion për vizat, por edhe duke ndikuar në çështje të caktuara nën hetim nga Prokuroria.

Akuza të forta dhe të ndërsjellta, të cilat prej shumë kohësh nuk ndodhnin publikisht ndërmjet ambasadorit dhe institucioneve në Shqipëri. Lu u quajt sorosian, shantazhues, njeri që ushtronte presion, nga Llalla. Ky i fundit u akuzua si i korruptuar, i lidhur me krimin, nga ambasadori. Një debat i fortë publik, që duket se nuk do të mbyllet me vetëm këto dy qëndrime. Akuzat janë të ashpra dhe shumë të rënda. Në një vend demokratik, evropian, vështirë se një ambasador i huaj do të akuzonte prokurorin, ashtu si Lu bëri në Tiranë. Por, në një vend demokratik, në rast se prokurorit i refuzohej viza nga ambasada e SHBA, dorëheqja do të ishte minimale. Këtu nuk flasim vetëm për vizën e Adriatik Llallës, për vizën e Rovena Gashit, për vizën e Besim Hajdarmataj, apo për vizën Dritan Pekës.

Akuzat e ambasadorit nuk janë fjalë të një njeriu të thjeshtë, por janë akuza që vijnë nga njeriu i Departamentit të Shtetit të SHBA në Tiranë. Dhe askush nuk mund të mos besojë ato që ai thotë.
Ambasadori kurrsesi nuk mund të sulmojë publikisht pa verifikuar më parë çështje dhe problematika të ndryshme dhe verifikimi i tyre nuk ka asnjë dyshim që bëhet nga struktura të besuara të SHBA-ve. Kjo na çon të besojmë se ato janë të vërteta të padiskutueshme dhe që vijnë pasi Llalla e ka ?mbushur kupën? dhe ndoshta është momenti që ai dhe trupa e tij të largohen. Jo sepse thjesht iu refuzuan vizat nga ambasada, por sepse ai është nën akuzë, jo nga politika, jo nga një qytetar i thjeshtë, por nga zëri zyrtar i Departamentit Amerikan të Shtetit në Tiranë.

Sipas nenit 149 të Kushtetutës së Shqipërisë, Presidenti i Republikës është ai që emëron dhe shkarkon prokurorin. Dhe ndoshta ky është momenti që Nishani të tregohet Presidenti i gjithë shqiptarëve, të tregojë se institucioni që drejton i dëgjon dhe i beson akuzat e vendeve partnere, strategjike dhe aleate siç është veçanërisht SHBA.

Fjala e ambasadorit amerikan askush nuk mund të thotë se është e paverifikuar. Dhe ndoshta do të ishte detyrë e presidentit të merrte nga ambasadori i SHBA të gjitha të vërtetat e tij për prokurorin e përgjithshëm dhe ta shkarkonte atë nga detyra. Ky do të ishte minimumi për të treguar se institucioni ekziston, se institucioni i Presidencës ekziston, jo për të mbajtur Llallën në detyrë, por për të çuar përpara përgjegjësisë çdo individ, i cili është bërë ?pisë? në rrugën e tij në drejtimin e institucionit. Dhe në rast se presidenti nuk i di, skandalet e Llallës nuk janë të pakta, kjo jo vetëm për lëvizjet në Prokurori, por edhe për përdorimin e tij politikisht nga Ilir Meta, apo dhe skandale të tjera morale, të cilat donte t?i merrte me vete në SHBA./CityNews