web counter
LEXO PA REKLAMA!

SHKARKO APP

App Store
Google Play

E fundit!

x

Rama-Meta rivalë në krim/Koalicioni PS-LSI si makinë llogaritëse

2 Shkurt 2017, 11:47, Aktualitet CNA

Kreu i LIBRA, Ben BLushi, po flet me tone të ashpra nga foltorja e Kuvendit për kryeministrin Edi Rama dhe kreun e LSI, Ilir Meta.

Blushi e ka quajtur plotësisht të paaftë kryeministrin Rama, ndërsa Meta sipas tij, bën gjithçka për të na bindur sa i paaftë është ai. Blushi ka vënë alarmin se shteti është duke rënë dhe përgjegjës për këtë janë Rama dhe Meta.

Më tej, Blushi i ka bërë thirrje Metës të flasë më gojën e tij, pasi deri tani sipas deputetit, ai ka folur vetëm me gojën e Manjanit, të Luan Ramës apo dhe Lefter Kokës.

?Shteti është duke rënë dhe për këtë akuzojnë njëlloj si Ramën si Metën, i pari është i paaftë, i dyti bën gjithçka për ta bindur sa i paaftë i pari. Ne nuk kemi nevojë të na tregojë sa i paaftë është Edi Rama. Mbasi shkatërroi PS, iu vërsul LSI, po e shkatërron dhe atë. Ja njoh aftësinë shkatërruese prej disa vitesh, e ka perfektë. Si LSI, si Rilindja janë dy palë, dy ortakë, dy rivalë në krim, por që ligji nuk ka për t?i kapur. O Ilir kur do flasësh me gojën tënde? Se po flet me gojën e Yllit, të Ramës, të Kokës. Por kjo po i jep Shqipërisë vetëm dëme. Ilir Meta bën si llogaritar, 71, 71 … ky njeri ka vetëm numra. Pse Shqipëria me 71-shin e Metës do merret? Ky është koalicioni i rilindjes vetëm numra, asnjë fjalë, asnjë punë. Koalicion tregtar, vetëm llogari. Jeni si një makinë llogaritëse, që i fut të dhënat gabim dhe nuk prodhon asgjë?, tha Blushi./CityNews





Lajmet e fundit nga