web counter
LEXO PA REKLAMA!

SHKARKO APP

App Store
Google Play

E fundit!

x

Si dhe pse iku Ylli Manjani

30 Janar 2017, 08:47, Aktualitet CNA

Ylli Manjani ishte ndoshta ministri më kritik që ka pasur në histori një qeveri brenda saj. Një zë i fortë kundër, që kritikonte pa dorashka çdo lëvizje, ligj, sjellje politike apo veprim të kryeministrit. Manjani në fakt kohët e fundit dukej si ministri që zgjohej në mëngjes për t?i hapur një problem kryeministrit, si ministri që do të thoshte diçka kundër dhe do bënte lajme. Ai në disa dalje publike mbante rolin e një protagonisti opozitar, thua se nuk ishte aspak pjesë e një kabineti dhe një mazhorance në pushtet.

Dje pasdite CityNews, por dhe disa media tjera, raportuan lajmin se Ylli Manjani, sot në mesditë, do të dilte në një konferencë shtypi për të kërkuar dorëheqjen e ministrit të Brendshëm, Saimir Tahiri, pas disa sulmeve të njëpasnjëshëm që iu bënë këtij të fundit nga eksponentë qëndrorë të LSI.

Ylli Manjani pritej të ishte në krye të katër ministrave për të kërkuar largimin e Saimir Tahirit nga qeveria, ose ata do dorëhiqeshin dhe do fusnin kabinetin në krizë. Menjëherë pas shpërndarjes së këtij lajmi, ka ardhur reagimi i kryeministrit, i cili mësohet të ketë debatuar ashpër me Manjanin, duke i kërkuar edhe dorëheqjen. Rama ka firmosur tashmë shkarkimin e Manjanit dhe ministri i Drejtësisë ndoshta mund të dalë në mesditë në një konferencë shtypi si një ministër i shkarkuar. Por një gjë është e sigurt, Ylli Manjani kërkoi kokën e Saimir Tahirit, por mesa duket ?koka e prerë? është koka e tij.

Sot në mesditë, socialistët pritet të mbledhin Kryesinë edhe grupin parlamentar, nga ana tjetër pritet edhe një dalje e kreut të LSI, Ilir Meta, i cili në fakt në daljet e tij publike të fundit gjithmonë ka qenë me tone më të zbutura se ministrat e tij. Përplasjet PS-LSI pritet të jenë edhe për pak kohë në qendër të raportimeve të medias, për shkak edhe të rolit protagonist të Ilir Metës, i cili kërkon maksimalizimin e votave të tij në zgjedhjet e ardhshme parlamentare, duke luajtur herë si pushtetar dhe herë si opozitar, lojë që largoi nga kabineti një nga ministrat më të besuar të Ilir Metës./CityNews





Lajmet e fundit nga