web counter
LEXO PA REKLAMA!

SHKARKO APP

App Store
Google Play

E fundit!

x

Shkarkim?! Manjani “sfidon” Ramën/Nuk kam ndërmend të jap dorëheqjen

30 Janar 2017, 08:22, Aktualitet CNA

Ministri i Drejtësisë, Ylli Manjani, ka reaguar pas mesnatës për lajmin e bujshëm, që qarkulloi në media, se kryeministri Edi Rama ka firmosur shkarkimin e tij.

Në një reagim në rrjetet sociale, Manjani sqaron se nuk ka dhënë dorëheqjen dhe as nuk ka ndërmend një gjë të tillë.

Gjithashtu, ai shton se ka asnjë njoftim zyrtar për shkarkim nga detyra. Më tej, ministri jep dhe arsyet pse e ka shtyrë konferencën për shtyp, që kishte njoftuar të mbante mëngjesin e sotëm.

Ja reagimi i ministrit Manjani:
Mirëmbrëma,
Miq e të njohur më informuan këtë mbrëmje të diele, që portalet kanë shkruar mbi dorëheqjen e më pas shkarkimin tim nga Qeveria. Këto lajme lidhen edhe me anulimin e një konference për shtyp timen.
Dëshiroj t?iu informoj se:
1. Nuk kam dhënë dorëheqje nga detyra! S?më ka shkuar ndërmend një gjë e tillë!
2. Nuk kam asnjë njoftim zyrtar që të jem shkarkuar!
3. Konferencën për shtyp e kisha thirrur për të anoncuar paketën e ndryshimeve në legjislacionin Penal pas dakortësimeve që kam marrë nga kolegët e mi ministra dhe aktorë të tjerë të interesuar!
E anulova këtë gjë për arsye thjesht shëndetësore!
Natën e mirë!





Lajmet e fundit nga