Dieta ideale për humbje peshe

22 Janar 2017, 10:30, Lifestyle CNA

Ushqimi i shpejtë apo i menjëhershëm, i cili është automatikisht jo i shëndetshëm, shpesh është alternativa e vetme, e cila lë gjurmë në lëkurë, flokë, dhe natyrisht në peshore.

Nëse dëshironi që kilogramët e tepërt të shkrihen dhe trupi tuaj të lirohet nga toksinat e akumuluara, zgjidhja ideale është dieta me limon. Ritmi i shpejtë i jetës, puna, kujdesi për fëmijët, shtëpinë, familjen, takimet me miqtë dhe shumë obligime tjera nuk iu lë grave hapësirë të mjaftueshme për t’u kujdesur për shëndetin e tyre. Ushqimi i shpejtë apo i menjëhershëm, i cili është automatikisht jo i shëndetshëm, shpesh është alternativa e vetme, e cila lë gjurmë në lëkurë, flokë, dhe natyrisht në peshore.

Pavarësisht se nganjëherë gratë vizitojnë sallonet e bukurisë, harrojnë të angazhohen për një dietë të shëndetshme dhe të balancuar dhe më e rëndësishmja për spastrimin e trupit! Prandaj, dieta me limon, e njohur në botë si ?Master Cleanse Diet?, është një mënyrë e përsosur për të rigjeneruar organizmin.

Dieta me limon është mënyrë e thjeshtë, e shpejtë dhe e përballueshme për spastrimin e trupit prej toksinave, dhe në këtë mënyrë rivendoset entuziazmi i nevojshëm në trup. Theksi i veçantë në këtë dietë është lëngu nga limoni, i cili bën që trupi juaj të “shkëlqejë”! Përbërësit për pijen “magjike” nga limoni dhe shembulli i menysë: Janë të nevojshme për këtë pije 2 lugë çaji me lëng limoni të shtrydhur, 2 lugë mjaltë, 1/10 e lugës së çajit me speca djegës të grimcuar, 1/2 e filxhanit me ujë. Me këtë pije natyrisht ju duhet të kujdeseni edhe në lidhje me mënyrën e të ushqyerit. Ja mostra e menysë për një ditë:

Mëngjesi: Një enë me drithëra pa sheqer, një gotë me ujë me limon.

Dreka: Supë shtëpie, një porcion me pulë të gatuar, një gotë me ujë me limon.

Meze: Fruta dhe një gotë me ujë me limon

Darka: Një porcion me pulë ose peshk të pjekur në skarë, një gotë me ujë me limon

Avantazhet e dietës

Lëngu nga limoni është një burim i pasur i acidit citrik, i cili ndihmon në forcimin e sistemit imunitar. Sheqernat natyrore që janë gjetur në këtë pije do të rrisin nivelin e energjisë, ndërsa specat djegës, veprojnë si një stimul për metabolizëm të shpejtë, duke rezultuar në humbje të shpejtë në peshë.