E fundit!

19:52 Politikë

“Rama, jep dorëheqjen!”/ Protestuesit marshojnë drejt Kryeministrisë

Qytetarët e grumbulluar në orën 19:00 në qendër të Tiranës...

Zbulohet emri i biznesmenit që pagoi çarterin e Veliajt/ A ka lidhje me biznesin e plehrave ku u vra Ardit Gjoklaj?

18 Janar 2017, 15:43, Aktualitet CNA

Partia Demokratike ka akuzuar sërish kryebashkiakun e Tiranës Erion Veliaj në lidhje me një fluturim me çarter drejt Parisit. Pak më parë, Bashkia Tiranë shpjegoi se Veliaj kishte fluturuar me ?loë-cost? në Itali për të vizituar Bashkim Finon, i cili po kurohet.

Por, PD thekson se Veliaj duhet të tregojë për udhëtimin më datë 16 janar dhe jo 17 janar.

Sipas PD, dy ditë më parë, Veliaj është nisur me një çarter të kompanisë AVCON-JET, i cili është ulur në Paris dhe në bord ishin 3 pilotë, Erjon Veliaj, Arbër Mazniku, Juli Dhamo dhe biznesmeni që erdhi, i mori e i shoqëroi në Paris, Artan Sheqeri.

Partia Demokratike ngre dyshime nëse biznesmeni Artan Sheqeri ka lidhje me biznesin e plehrave ku u vra Ardit Gjoklaj?

Deklarata e plotë e PD

Veliaj thellon skandalin, fsheh çarterin e dy ditëve më parë, me fluturimin e djeshëm. Çarterin e solli biznesmeni Artan Sheqeri, Veliaj në bord së bashku me Maznikun e Dhamon

Erjon Veliaj thelloi skandalin e fluturimit me çarter dy ditë më parë, duke mos bërë transparencë, por duke mashtruar publikisht.

Ne e pyetëm sot në mesditë për motivin e vizitës me çarter në Paris, me datën 16 Janar, dhe i kërkuam të sqaronte se kush është biznesmeni që ka paguar këtë fluturim luksoz, dhe a ka ai interesa në bashkinë e Tiranës.

Veliaj përgjigjet duke përmendur vizitën që ka bërë me 17 janar, në Itali, pra vizitën që ka bërë dje. Kështu, ai e thellon skandalin, sepse i fshihet carterit të dy ditëve më parë, nuk bën transparencë dhe mundohet të hedhë mjegull duke përmendur një fluturim tjetër, të një dite më parë.

Dy ditë më parë, të hënën, në orën 9 e 20 të mengjesit është ulur në Rinas një avion çarter i kompanisë AVCON-JET. 40 minuta më pas, ky avion është rinisur për në Paris, dhe në bord ishin 3 pilotë, Erjon Veliaj, Arbër Mazniku, Juli Dhamo dhe biznesmeni që erdhi, i mori e i shoqëroi në Paris, Artan Sheqeri.

Përse Erjon Veliaj e mohon këtë udhëtim?

Pse fluturon me carter për në Paris me kosto të paktën 60-70 mijë euro?

Cila është urgjenca e një kryetari bashkie për të shkuar në Paris me çarter?

A e pagoi biznesmeni Sheqeri këtë udhëtim?

Cfarë interesash ka biznesmeni Sheqeri me bashkinë?

A është i lidhur biznesmeni i çarterit me biznesin e plehrave ku u vra Ardit Gjoklaj?