E fundit!

16:22 Aktualitet

Vrasja e policit në Maliq/ Hita: Nëse DVP Korçë do kishte kërkuar ndihmë do ishin marrë masa më të forta

Kreu i Policisë së Shtetit Skënder Hita ka zbarkuar në Kor...

Rritja ekonomike/ Arben Ahmetaj: Lajm i mirë, por duhet të vazhdojmë reformat për qëndrueshmëri

12 Janar 2017, 17:01, Aktualitet CNA

Ministri i Financave ka komentuar sot raportin e INSTAT për rritjen ekonomike për tremujorin e tretë të vitit të kaluar.

Përmes një deklarate për shtyp, Ahmetaj thekson se ky është një lajm i mirë për ekonominë, por është edhe një sinjal për vazhdimësinë e reformave në çdo sektor në mënyrë që rritja të jetë e qëndrueshme.

“Norma prej 3.1% e rritjes ekonomike në tremujorin e tretë, e con nëntë-mujorin në rivlerësim prej rreth 3.3% e PBB. Është vërtet një lajm shumë i mirë për ekonominë, vazhdon rritja dhe përshpejtimi i rritjes ekonomike. Megjithatë dua të theksoj që është një sinjal që ne do të duhet të vazhdojmë domosdoshmërisht reformat në gjithë sektorët në mënyrë që rritja të jetë e qendrueshme dhe të përshpejtohet?, shprehet ai

Më tej, Ministri i Finacnave thekson se vazhdimësia e rritjes së konsumit konsolidimi i një sërë sektorëve, përmirësimi i performancës së bujqësisë, përmirësimi i dukshëm i performancës së sektorit të ndërtimit, turizmi me një kontribut shumë serioz dhe pozitiv në rritjen ekonomike tregojnë se Shqipëria ka hyrë në një cikël pozitiv ekonomik.

?Lajm tjetër i mirë është gjithashtu vazhdimësia e rritjes së konsumit, konsolidimi i një sërë sektorëve, përmirësimi i performancës së bujqësisë, përmirësimi i dukshëm i performancës së sektorit të ndërtimit, turizmi me një kontribut shumë serioz dhe pozitiv në rritjen ekonomike, pra këto nuk janë më shenja, këto janë statistika të qendrueshme që Shqipëria ka hyrë në një cikël shumë pozitiv ekonomik. Dhe ndërkohë rritja ekonomike e vitit të kaluar është një premisë shumë e mirë qe ne të vazhdojmë për 2017, të synojmë një rritje 3.7%-3.8% të PBB. Sigurisht besoj që në shifrat indikative të tremujorit të katërt, rritja do të vazhdojë sërish të jetë në këto nivele dhe sërish dua të them që po, është në pritshmëritë që ne kemi pasur me FMN, Bankën Botërore dhe institucione të tjera ndërkombëtare por edhe në përllogaritjet tona të brendshme.” përfundon Ahmetaj