E fundit!

08:35 Kronika

Sherr masiv në Sarandë, 6 persona shoqërohen në polici

Një sherr masiv është regjistruar mbrëmjen e së premtes në...

Këshilla për t’u veshur nga Rachel Zoe

8 Janar 2017, 16:30, Lifestyle CNA

Një nga mbështetëset më të mëdha të pamjes boho-chic , Rachel Zoe ka veshur shumë vipa duke filluar nga Mary Kate e deri tek Ashley Olsen dhe gijthmonë veshjet e saj në një mënyrë ose tjetrën kanë goditur në shenjë. Zbuloni më poshtë disa këshilla nga ajo që mund ti implementoni shumë thjeshtë në veshjet tuaja.

Trendet më të mira sipas stilit tuaj

Nëse disa trende nuk i shkojnë siluetës tuaj ose lërini fare ose adaptojini ato sipas stilit dhe formës së trupit, edhe nëse janë të papërshtatshme me stilin tuaj. ?Ju duhet të interpretoni cfarë është trend për momentin dhe ta bëni të duket bukur tek ju. Nëse kostumet janë shumë ?in? për momentin por ju nuk jeni tipi i kostumeve, vishni xhaketën me një palë xhinse dhe Converse?- thotë Rachel për revistën Elle.

Kujdes me gjatësinë e pantallonave

Si një mbështetëse e madhe e pantallonave që takojnë dyshemenë, përjashtimi i vetëm është për ato pantallona deri tek kyci i këmbës. Duke qenë se shumë femra nuk veshin një palë pantallona për të gjithë këpucët, duke i përshtatur ato njëherë për të sheshta e njëherë për këpucë me taka, një nga këshillat më të mira nga Zoe është ti mbani pantallonat pak a shumë të një stili dhe të siguroheni që të jenë pak cm mbi dysheme.

Mos i shmangni pantallonat e gjëra në fund

Megjithëse xhinset e ngushta pas trupit duken gjithmonë shumë bukur, stilistja është një fanse shumë e madhe e pantallonave ?kauboj?. ?Ato e zgjasin vërtetë shumë këmbën. Njerëzit mendojnë se duhet të veshin cdo gjë të ngushtë pas lëkurës për t?u dukur më të dobët, por jo gjithmonë është kështu?- shpjegon ajo.

Ktheni sytë me aksesorë të mëdhenj

Edhe me një veshje shumë të thjeshtë, që disa njerëz do t?a kosideronin të mërzitshme, me aksesorët e duhur mund të ndryshojë e tëra. Një këshillë nga Rachel Zoe që e ka përdorur me Nicole Richie, është të përdorësh aksesorë të mëdhenj. Një varëse e ngarkuar me një cantë shumë të madhë krijon një stil shumë modern, me ose pa ngjyra të forta.

Strecet janë zgjidhje e shkëlqyer për mamatë

Këshilla më e mirë e stilit nga Rachel Zoe për femrat shtatzanë dhe mamatë e reja është që të luajnë duke përzjerë stilin me rehatinë. Kombinojini me triko të gjata, xhaketa të ngushta dhe shtoni ndonjë bizhuteri. ?Vishni strece dhe cizme të sheshta, një xhaketë të bukur dhe pak buzëkuq?.

Pellushi është perfekt për të udhëtuar

Veshjet me pellush mund të përdoren në shumë mënyra, por koha ideale është kur udhëtoni. Mbështilluni në një jelek ose pallto të madhe me pellush. Nuk rrudhoset dhe është sikur të keni veshur një batanije të madhe.

Vetëm taka në ekstreme

Në përgjithësi të gjithë stilistët e njohur të vipave nuk këshillojnë takat e mesme. Përdorni ose balerinat e sheshta fare ose takat e larta.

Influencat mashkullore janë gjithmonë elegante

Një nga pikat e rëndësishme të stilit të saj është inspirimi i madh nga veshjet e meshkujve duke i përzjerë me veshje femërore. Përshembull jelekët dhe pantallonat janë goditja e duhur nëse i kombinoni me bizhuteritë dhe aksesorët e duhur.

Kur jeni e veshur e gjitha me të zeza përdorni buzëkuq të fortë

Nuk ka asgjë më të bukur e seksi se një veshje e zezë e gjitha, me një buzëkuq të fortë. Shtoni pak ngjyrë me makiazhin, por përzjeni ngjyra të thjeshta që në fund të keni një look elegant.