web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet drafti/Ja si do funksionojë Gjykata Antikorrupsion

7 Janar 2017, 09:16, Aktualitet CNA

Zbardhet plani i ndërkombëtarëve për të luftuar korrupsionin dhe krimin e organizuar në Shqipëri. Në Kuvend ka mbërritur projektligji për ndryshimin e Kodit të Procedurës Penale, në të cilin detajohet mënyra se si do funksionojë Prokuroria dhe Gjykata Speciale Antikorrupsion. Ligji për luftën ndaj korrupsionit jep detaje mbi hetimet, por nuk përcakton rrugët që do përdoren në gjykatë.

Në Kodin e ri janë dhënë përcaktime të qarta se si do punojë gjykata, prokuroria, kompetencat që do kenë si dhe mënyra e ndarjes së kompetencave me gjykatat dhe prokuroritë e tjera. Sa i takon Gjykatës së Shkallës së Parë Kundër Korrupsionit dhe Krimit të Organizuar, ajo do gjykojë me një gjyqtar vetëm disa raste, më konkretisht: kërkesat e palëve gjatë hetimeve paraprake; ankimin ndaj vendimit të prokurorit për mosfillimin e ndjekjes penale apo pushimin e çështjes; kërkesat e prokurorit për dërgimin e çështjes në gjyq; kërkesat e prokurorit për miratimin e urdhrit penal; kërkesat që lidhen me ekzekutimin e vendimeve penale; kërkesat për rivendosje në afat të ankimit; kërkesat që lidhen me marrëdhënie juridiksionale me autoritetet e huaja, etj.

Nga ana tjetër është theksuar se në rastet e tjera kjo gjykatë funksionon me një trupë prej 3 gjyqtarësh. Ndër të tjera aty janë përcaktuar dhe veprat penale që do hetohen nga Prokuroria e Posaçme dhe do gjykohen më pas nga gjykata e posaçme. Bëhet fjalë për 37 vepra penale, shumica e të cilave kanë të bëjnë me korrupsionin. Janë plot 22 vepra penale për korrupsionin, të parashikuara në Kodin Penal, duke filluar që nga korrupsioni i nëpunësve të huaj, te gjyqtarët, prokurorët dhe zyrtarët e nivelit të lartë.





Lajmet e fundit nga