E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Zoti në godinën e kryeministrisë/Edi Rama na sjell dhe heq emergjencat dhe epidemitë

7 Janar 2017, 07:55, Aktualitet CNA

Kreu i qeverisë Edi Rama kërkon të përfitojë, ndoshta të shpallë veten edhe Zot, atëherë kur thjesht bën detyrën për të cilën është zgjedhur.

Moti i keq ka pushtuar vendin dhe gjithccka ishte e paralajmëruar. Kreu i qeverisë del direkt në TV në mbledhje të shtabit të emergjencave e flet për punën e madhe, dëgjon raportet e ministrave, pastaj jep orientime. Një shoë banal dhe i neveritshëm kur mijëra familje janë të izoluara, në rrugë ka emergjencë sepse nuk u morën masat.

Debora pritej dhe parashikimet e motit ishin raportuar, qeveria nuk coi asnjë mjet ushtrie, asnjë mjet borpastrues në zonat problematike, asnjë ushqim në rezervat e zonave që pritej moti i keq.

Pra asnjë masë paraprake për të përballuar situatën, tani kryeministri, me falni Zoti ynë në godinën e kryeministrisë, del dhe flet për punën e madhe qe po bëhet. Këtë detyrë ka kryeministri dhe të gjitha strukturat e shtetit, një qeveri e zonja dhe më e mire reagonte më parë, merte masa dhe nuk bënte shoë në situatë alarmante ku rezikohen jetë njerëzish.

Përtej kësaj kemi gripin që ka pushtuar vendin. Epidemia kishte kohë që shpërtheu, kreu I qeverisë si Zoti në tokë e gjeti zgjidhjen, mbylli shkollat dhe la një familjar në shtëpi. Por si shpërtheu kjo epidemic, a u morën masa për vaksinim? Cfarë bëntë mnistri Beqaj dhe qeveria apo duhej epidemia që të kishte përfitim politik me pushime e vaksina të vonuara?

Një qeveri e mirë mer masa për vaksinimin e popullatës, organizon fushata mediatike për edukimin, organizon vaksinimin e njerzve në nevojë ose shtresave të rezikuara të shoqërisë sic janë të sëmurët kronikë. Këto bën një qeveri e mirë mer masa paraprake nuk reh gjoksin me mbyllje shkollash dhe institucionesh.

Mbyllja e shkollave shoqërohet nga një tjetër skandal, ai I mungesës së ngrohjes të ambienteve mësimore. Qindra shkolla në Tiranë e kudo në Shqipëri nuk kanë ngrohje. Bashkitë që tashmë i kanë në administrim nuk kanë siguruar ngrohjen në klasat e nxënësve dhe këtë herë Zoti ynë në selinë e kryeministrisë bvën sehir dhe justifikohet me përgjegjësinë e bashkive. Por harron të thotë se 70% të bashkive i drejtojnë njerëzit e vendosur prej tij.

Qeveria jonë është thjesht një qeveri shoë. Ajo pret ti vijnë situatat nuk mer masa paraprake, kur I ndodh emergjenca e shfrytëzon për të treguar se po punon, kur thjesht po bën detyrën dhe askush nuk mban përgjegjësi pse jemi në emergjencë, kur me pak kujdës dhe punë të vërtetë nuk do ishim përballë situtatave të tilla.

Por këto punë i di Zoti në goditën e kryeministrisë, të tjerët janë shërbëtorët e tij. Jo vetëm për të punuar kur ka emergjenca, por edhe për të vjedhur, për të dhënë koncesione, për të bërë tendera me 99.99% e kështu me rradhë. Nuk ka problem bie apo jo dëborë, shërbëtorët rreth tij janë po aq hajdutë dhe kusarë sa Zoti i kryeministrisë që mendjen e ka si të vjedhe e fitojë zgjedhjet, jo si të parandalojë emergjencat dhe epidemitë./Elvi Fundo-Citynews