E fundit!

07:54 Politikë

E enjte intensive për Kuvendin/ Projektligje dhe 6 interpelanca me Ramën dhe ministrat

Kjo e enjte pritet të jetë një ditë me diskutime të shumta...

Korrupsioni i qeverisë/Kur do i hapë Basha dosjet e ministrave të LSI-së?

7 Janar 2017, 08:32, Aktualitet CNA

Kreu demokrat Lulzim Basha në daljet e tij të fundit publike ka theksuar se LSI është po aq përgjegjëse sa PS për keq qeverisjen e vendit. Pas shumë kohësh Basha tha se Meta nuk do pranohej në koalicion para zgjedhor, por nuk foli kurrë për mundësinë e një qeverisje të nesërme.

Kreu demokrat për të qenë i besueshëm në opinion publik dhe për të treguar se nuk është duke pritur me krahë hapur gjysmën tjetër, po aq të keqe të qeverisë, minimalisht duhet të filloje të publikojë dosjet korruptive të ministrave të LSI-së.

Në PD Basha dhe të besuarit e tij flasin për dosje korruptive nga ish-ministrave dhe ministrave aktualë të LSI-së. Këto fillojnë me Edmond Haxhinaston dhe përfundojnë me Klajda Gjoshën.

PD ka në dispozicion dhjetra materiale që në fakt janë akuza korruptive për ish-zv/kryeministrin e qeverisë të PD Edmond Haxhinasto, ministër i punëve publike në qeverinë socialiste, ish ministrin e ekonomisë dhe energjitikës në kohën e PD Nasip Naco, ministër drejtësie në qeverinë e Ramës, Edmond Panariti ministri i bujqësisë që valëvit flamurin e ndershmërisë drejton një nga institucionet më të korruptuara në qevrinë Rama. Vendi ku fondet për fermerët vidhen dhe abuzohen me skemat nga më skandaloze të vjedhjeve nga drejtues të këtij institucioni. Ylli Manjani, ministri i drejtësisë që ka në varësi burgjet ku skandalet nuk kanë të ndalur, pa haruar firmat dhe vulat e tij mbi licensa noterësh të akuzuar për korrupsion apo denuar për vepra të ndryshme penale. Duke përfunduar tek ministrja e integrimit Klajda Gjosha që është gati të vjedhë dhe fondet e perdeve të ministrisë për partinë.

Nuk po theksoj dosjen e Ilir Metës sepse ai është Ali Babai me 40 hajdutët e tij. Është koka e një grupi të strukturuar kriminal që vjedhin cdo ditë në emër të partisë.

Po qëndroj tek këto emra dhe shumë deputetë analfabetë por hajdutë, drejtorë të tjerë në nivelet e dyta dhe të treta, që janë ceta korruptive e Ilir Metës në qeverisje, të cilët së bashku me pjesën e kryeministrit Edi Rama bëjnë bandën e plotë që vjedh cdo ditë xhepat e shqiptarëvë.

PD flet dhe denoncon vetëm pjesën e socialistëve, për cetën e Ilir Metës vazhdon heshtja. Sa i besueshëm mund të jetë Lulzim Basha, kur thuajse është duke mbrojtur gjysmën po aq të krimbur në korrupsion e skandale të një qeverie të kthyer në një bandë hajdutësh?