web counter
LEXO PA REKLAMA!

SHKARKO APP

App Store
Google Play

E fundit!

x

Ilir Meta President?/Këshilltari i tij hedh fall

6 Janar 2017, 10:16, Aktualitet CNA

Emisioni ?Arena? në Ora News diskutoi mbrëmë garën presidenciale.

Drejtuesi i emisionit Dritan Hila, së bashku me panelin e analistëve të ftuar prekën çështjen e zgjedhjes së presidentit, duke komentuar dhe mbi kandidaturat e përfolura deri tani në media.

Këshilltari i kreut të Kuvendit, Lorenc Vangjeli tha se Meta do të jetë president, por jo kësaj radhe. Më tej, Vangjeli theksoi se presidentin do ta përcaktojë LSI-ja. I pyetur nga Dritan Hila se a e jep Rama votën për Metën apo Vasilin për presidencën, Vangjeli u përgjigj se: ?Për këtë përgjigjen e ka vetëm Rama, por në këtë moment as ai nuk e ka për ta dhënë. Të hedhësh fall apo bësh horoskop në këto viset tona është sport kombëtar, ballkanik. Por kemi mësuar në të paktën dy raste, në perëndim dhe përtej oqeanit se sondazhet dështojnë. Kështu ka ndodhur me Trump dhe Britaninë me brexit. Ilir Meta e ka shprehur qartë se nuk e ka këtë ambicie, do të jetë president, por jo kësaj radhe.

Është një fall që unë e hedh, por jo për 2017. Në pushtet njerëzit janë emëruar, në opozitë njerëzit janë bërë vetë. Të gjithë ata që çalojnë në politikë janë të gjithë ata që kanë hyrë nga dera e pushtetit dhe janë emëruar prej pushtetit. Janë njerëz të cilët kanë pasur shkëlqim për aq kohë sa kanë pasur karrigen poshtë vetes dhe pastaj janë harruar. Dhe ka një tjetër racë politikanësh që janë vetëbërë dhe kanë kaluar në opozitë. Rasti i Ilir Metës është një krijesë e vetvetes, por dhe rrethanave dhe është krijuar fillimisht në opozitë?.





Lajmet e fundit nga