E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Agim Hushi sulmon Mirela Kumbaron/Njerka e kulturës, nuk vlen as për Drejtoreshë Biblioteke

6 Janar 2017, 07:45, Aktualitet CNA

Tenori Agim Hushi, ne nje interviste te tij per te perditshmen Sot, tregon deshtimet e Ministrise te Kultures dhe ministres Kumbaro. Ai thekson se nga ministria ka munguar ndjeshmëria, që duhet për artistët dhe jetën artistike dhe buxhetet janë të pakta. ?Mjeshtër i Madh? në aktivitetin e tij artistik, tenori Hushi pohon se sot ka artistë që për problemet nuk flasin për shkak të punës që kanë në institucione, dhe sipas tij ministrja e Kulturës tregoi që nuk ka drejtuar si duhet deri tani artin dhe kulturën. Hushi flet ndër të tjera edhe për rikonstruksionin që pritet të nisë në Teatrin e Operës dhe Baletit, për të cilin, ai pohon se duhet të jetë një projekt që duhet të zbatohet me transparencë të plotë.

Ne intervisten e tij ai shprehet, “Unë i drejtohem ministrisë si përgjegjëse kryesore për problemet e shumta që janë sot në jetën artistike. Unë ndjej që nuk është bërë gjatë këtyre viteve ajo që duhet. Artisti është një qenie shumë komplekse, një person që ka një karrierë, që duhet jo vetëm të punësohet, por dhe stimulohet. Duhet gjetur ajo formë që e kënaq atë jo vetëm me shumë monetare. Por një artiste të madhe si Irini Nikolla një soprano legjendare, ta heqësh nga ajo plejadë e artë ku ajo kishte vendosur punën e saj dhe ta çosh koriste në ansambël në mënyrë të papërligjur, nuk është e drejtë. Marr si shembull Irinin, por në TOB ka dhe plot soliste të tjera si Mariana Leka, Eva Golemi, kemi Ylber Gjinin, regjisorin Nikolin Gurakuqi, si dhe emra të tjerë, që duhen vlerësuar më shumë. Kjo që ndodh me artistët është pjesë e ministrisë, është pjesë e atij kujdesi human.

Të përfaqësosh kulturën do të thotë të kesh një institucion shumë të kulturuar. Institucioni vetë duhet të jetë i kulturuar. Institucioni vetë duhet të jetë po aq i ndjeshëm sa ç?janë artistët. Këto probleme që duken të vogla janë esenciale në jetën artistike. Unë nuk kam inat personal me Ministrinë e Kulturës dhe nuk dua të personalizohet kjo që them sikur unë e urrej Mirela Kumbaron. Por për mua Mirela Kumbaro nuk duhet të ishte ministre e Kulturës. Mendoj se nuk plotëson asnjë kriter për të qenë ministre Kulture. Ajo mund të ishte një menaxhere, një drejtuese biblioteke, një pedagoge e mirë, por nuk do të thotë që njeh artistët. Për mua nuk i njeh sa duhet artistët shqiptarë. Nëse ministrja do t?i njihte, nuk do të bënte dallim.

Një ministre duhet të jetë jo si njerkë, por si nënë për kulturën. Për artistët, ajo duhet të jetë si një nënë që i mban të gjithë, shprehet Hushi ne intervisten e tij./Citynews