E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Kodi i ri Penal për kanabisin/Dënimi sipas sasisë të kapur

6 Janar 2017, 07:35, Aktualitet CNA

Kodi Penal mund të ndryshojë së shpejti në të paktën 17 nene të tij. Pas shumë konsultimesh me prokurorë, gjyqtarë, avokatë, ekspertë dhe përfaqësues të shoqërisë civile, Ministria e Drejtësisë propozon disa ndërhyrje në Kodin Penal në lidhje me rregullimin e disa dispozitave me qëllim përmirësimin e trajtimit të të miturve nga sistemi i drejtësisë penale; zgjerimin e rasteve të aplikimit të masave alternative të vuajtjes së dënimit dhe orientimin drejt aplikimit të masës së arrestit me burg dhe dënimit me burgim, si masa të fundit; rritjen e efikasitetit të luftës kundër kultivimit, trafikimit, tregtimit të bimëve dhe lëndëve narkotike, uljen e ofertës së drogës, dhe parashikimin e dënimeve proporcionale lidhur me sasinë e llojin e tyre.

Dënimi për kanabisin

Kështu, nëse me Kodin Penal aktual, një person që kapet me 30 gramë kanabis dënohet njëlloj me një tjetër që kapet me 1 kg kanabis, Ministria e Drejtësisë sugjeron që kjo vepër penale të dënohet sipas gramaturës me të cilën kapet personi. ?Kur lënda narkotike është e llojit kanabis sativa dhe farërave të kësaj bime dhe sasia e lëndës narkotike është deri në 100 gram, dënohet me burgim nga 1-5 vjet. Kur lënda narkotike është e llojit kanabis sativa si dhe farërave të kësaj bime dhe sasia e lëndës narkotike është mbi 100 gram-1 kg, dënohet me burgim nga 2-7 vjet. Kur lënda narkotike është e llojit kanabis sativa dhe farërave të kësaj bime dhe sasia e lëndës narkotike është mbi 1 kg-10 kg, dënohet me burgim nga 3-8 vjet. Kur lënda narkotike është e llojit kanabis sativa dhe farërave të kësaj bime dhe sasia e lëndës narkotike është mbi 10 kg, dënohet me burgim nga 3-10 vjet. Kur vepra e mësipërme kryhet në bashkëpunim, ose më shumë se një herë, dënohet me burgim nga 4-12 vjet. Kur vepra e mësipërme kryhet në bashkëpunim dhe më shumë se një herë, dënohet me burgim nga 5-15 vjet. Kur lënda narkotike është e llojit ?heroinë? apo ?kokainë?, apo çdo lloj lënde narkotike e ndryshme nga kanabis sativa dhe farërave të kësaj bime, dhe sasia është deri në 1 kg, dënimi me burgim në minimum shtohet me 1 vit dhe në maksimum me 3 vjet. Organizimi, drejtimi apo financimi i kësaj veprimtarie, dënohen me burgim nga 10-20 vjet?, parashikohet në nenin 283 të riformuluar të Kodit Penal.