E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Nga Kastriot Myftaraj/ Sharlatanizmi i Shkëlzen Dolit dhe marrëzia e qeverisë Shqiptare

3 Janar 2017, 16:19, Aktualitet CNA

I bukur koncerti i Shkëlzen Dolit me grupin e tij, dje në Tiranë, por ç? nevojë ka që të uzurpohet dhe të dublohet emri i Filarmonisë së Vienës, duke u quajtur grupi i tij, Ansambli Filarmonik i Vienës?! Sepse, kur thuhet ?Filarmoni e Vienës? nënkuptohet një ansambël, çka tjetër?

Nëse nuk ka asnjë problem në atë që ka bërë Shkëlzen Doli, atëherë si shpjegohet që askujt para tij, nga ata qindra e qindra vetë që kanë qenë anëtarë të Filarmonisë së Vienës, nuk i shkoi në mendje që ta bënte këtë gjë? A thua ky djali nga Gjakova doli më i shkathti që ta përdorte emrin e Filarmonisë së Vienës, për të nisur një biznis të vetin muzikor? Merret vesh, shumë vetë para tij të cilët kanë qenë anëtarë të Filarmonisë së Vienës, e kanë pasur idenë e tij, por nuk e kanë sendërtuar atë, për shkak se në botën e qytetëruar vetëfrenimi i njeriut nis nga etika, jo nga ligji.
Ajo që ka bërë Shkëlzen Doli, do të ishte njëjtë sikur shqiptaro-amerikanit me origjinë nga Korça, James Belushi, i cili e ka vizituar shumë herë Shqipërinë, t? i shkonte në mendje që t? i shiste Shqipërisë fjalën ?Hollywood? për ish-Kinostudion, me shtesën ?Kinematografia Hollywood?.
Ose do të ishte njëjtë si, Shkodran Mustafi të krijojë një skuadër të përkohshme me futbollistë gjermanë dhe shqiptarë, të cilën ta quajë jo Die Deutsche FussballNationalmannschaft, siç është emërtimi zyrtar, por Die Deutsche Selektion FussballNationalmannschaft. Kur të gjithë ata që janë ndjekës të futbollit e dijnë që skuadrat përfaqësuese janë seleksione, ashtu siç e dijnë krejt ndjekësit e muzikës se filarmonitë janë ansamble. (Nuk e di sa i saktë jam gramatikisht në gjuhën gjermane të cilën e njoh shumë pak.)
Ç? nevojë ka suxhuku i shijshëm i Kosovës të shitet me etiketë austriake si wurst! Gjakovarët kanë famë si tregtarët më të mëdhenj në trojet shqiptare. Deri më sot në Tiranë si anekdota më e madhe për mashtrimin në tregti mbahej ajo që dikujt i shitën orën e madhe të qytetit (sahatin) e kullës. Tani këtë e kapërceu Shkëlzen Doli që arriti të shesë në Tiranë Filarmoninë e Vienës në 2 janar, duke i shtuar fjalën ?Ansambël?.
Është marrëzi e madhe që qeveria e Shqipërisë u përzie në këtë ide të Shkëlzen Dolit dhe madje e financoi atë. Kjo do të ishte njëjtë sikur Kryeministri Rama, duke qenë i ftuar në koncertin e Filarmonisë së Vienës, në 1 janar, në Vienë, të merrte defin e tij me të cilin e kemi parë të luajë shumë herë, dhe të ndërhynte me një dajre me def në mes të Marshit të Radetzky.
Sa keq që, edhe shqiptarë të cilët kanë arritje të lavdërueshme në botë, si Shkëlzen Doli, sillen kështu, si sharlatanë!
Tani pritet që Ansambli Filarmonik i Vienës të ketë një të ardhme të madhe në krejt Shqiptarinë, në Shqipëri, Kosovë, Maqedoni, Malin e Zi, Luginën e Preshevës, diasporën europiane, atë amerikane dhe atë australiane, në dasma e synete. Marshi i Radetzky-t do të ndiqet nga ?Flakë të kuqe u dhez Gjakova?. Edhe një këngë trimnie që kanë gjakovarët, ia këndojnë Col Delisë së Gegëhysenit në Tropojën e sotme, që vrau Marshallin osman në 1878!.(Për të mos folur për atë këngën tjetër, që për turp e faqe të zezë gjakovarët ia këndonin një sllaveje komuniste, Ganimete Torbeshit, të cilën e varën gjermanët jo për veprimtari antifashiste, por le të themi për veprimtari antimoraliste të tepruar.)
Nejse, për art nuk mund t? i shash gjakovarët, se kanë arritje, por për këto gjërat e tjera po.