web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive- Aksident në punë/ Një shqiptar humb jetën në doganën greke (Fotot)

3 Janar 2017, 13:14, Aktualitet CNA

Një ngjarje e rëndë ka ndodhur sot në kufirin e Kapshticës, ku një shtetas shqiptar ka humbur jetën. Për këtë arsye, pala shqiptare dhe ajo greke kanë ndërprerë punën deri në sqarimin e rrethanave, duke krijuar radhë kilometrike në pikën kufitare të Kapshticës.

Ngjarja

Citynews raportoi tre ditë më parë se në pikën kufitare të Kapshticës, në palën greke, një kamion është përfshirë nga zjarri. Mjeti që transportonte mallra, u shkrumbua nga flakët dhe siç shihet nga fotot e siguruara nga citynews, ai u la aty.

Sot, autoritetet përkatëse kanë dërguar në vendngjarje një vinç, për të pastruar vendin nga ajo çfarë kishte mbetur nga mjeti i djegur. Mbetjet e lëna nga kamioni i djegur do transportoheshin nga pala greke drejt territorit shqiptar.

Burime nga vendngjarja thanë për citynews se në momentin që po punohej për largimin e mbetjeve, krahu i vinçit është shkëputur duke zënë poshtë njërin prej punonjësve. Nga goditja e fortë dhe plagët e marra, ai nuk mundi të mbijetonte.

Nga burime zyrtare në doganën greke konfirmohet  se viktima është një shtetas shqiptar nga Devolli.

Pas kësaj, pala shqiptare dhe ajo greke kanë ndërprerë punën për rreth një orë, deri sa autoritetet hetuese kanë kryer procedurat për zbulimin e shkaqeve të aksidentit.

Kjo ka sjellë radhë të gjatë në pikën kufitare të Kapshticës, duke marrë parasysh edhe fluksin e madh të emigrantëve me rastin e festave/ citynews

Tre fotot e para janë shkrepur sot menjëherë pas ngjarjes ku humbi jetën shqiptari. Fotot e tjera jane te tre ditëve më parë, ku duket kamioni i shkrumbuar nga zjarri.

FOTOT/ Kamioni shkrumbohet nga zjarri në Kapshticë





Lajmet e fundit nga