web counter
LEXO PA REKLAMA!

SHKARKO APP

App Store
Google Play

E fundit!

x

Gripi/ Ja urdhri i ministrit Ilir Beqaj për mbylljen e shkollave, kopshteve e çerdheve

3 Janar 2017, 11:15, Aktualitet CNA

Shkollat, kopshtet dhe çerdhet do të mbyllen për të paktën 4 ditë për shkak të gripit.

Ka qenë ministri i Shëndetësisë, Ilir Beqaj, i cili ka urdhëruar mbylljen e këtyre institucioneve arsimore.

Sipas Ministrisë së Shëndetësisë, gjatë javës së fundit, numri i qytetarëve të paraqitur në qendrat shëndetësore për shkak të përhapjes së virusit të gripit në Shqipëri vazhdon të jetë në rritje, ndërkohë që prej tre ditësh, vendi po përballet me kushtet e motit me temperatura shumë të ulëta, të cilat do të vazhdojnë edhe disa ditë, duke krijuar kushte të favorshme për përhapjen e mëtejshme të virusit.

Me qëllim kufizimin e mëtejshëm të përhapjes së virusit të gripit në vend për të mbrojtur popullatën nga sëmundjet infektive që kanë impakt në shëndetin e saj, Ministria e Shëndetësisë, në bazë të nenit 7, pika 4 (masa të veçanta) të Ligjit 15/2016 (?Për parandalimin dhe luftimin e infeksioneve dhe sëmundjeve infektive?), sipas udhëzimeve kombëtare, të përgatitura nga Instituti i Shëndetit Publik, ka urdhëruar sot më datë 03.01.2017, mbylljen e çerdheve, kopshteve dhe shkollave të arsimit parauniversitar në datat 4, 5, 6, 7 Janar 2017.

 





Lajmet e fundit nga