web counter
LEXO PA REKLAMA!

SHKARKO APP

App Store
Google Play

E fundit!

x

Dhurata e OSHEE për festat/ 4 tendera me 99% të vlerës

30 Dhjetor 2016, 16:37, Aktualitet CNA

OSHEE nuk di të ndalet me tenderat që fitohen me 99%, 99.99% apo edhe me 100% të vlerës. Pa diskutim që këtë rekord nuk mund tia marrë asnjë nga institucionet e tjera.

Me rastin e festave të fundvitit duket se OSHEE ka menduar ti dhurojë qytetarëve të tjera tendera me 99% të vlerës, duke kursyer për qytetarët një rrogë mësuesi apo një pension.

Sic shihet në dokumentat e mëposhtme të siguruara nga citynews, OSHEE është kujdesur që të 4 tenderat të fitohen nga kompanitë që i janë afruar më shumë fondit limit.

Tenderi i parë lidhet me një  tender në Vlorë ?Ndërtim rrjeti shpërndarës TM, 20kV, Fideri VJ6, N/st Vlora 2, 110/20kV?, me fond limit 59,237,851 lekë. Fituesi është shpallur me ofertën 56,781,274 lekë.

Tenderi i dytë i cili parashikon ?Ndertim i Fidrit te Ri Bajze dhe kabines Shtyllore ?Gjeke Mucaj? si dhe i rrjetit ABC ? në Shkodër, është fituar me 99.99% të vlerës. Fondi limit ka qenë 6 643 497 lekë, ndërsa oferta fituese është me 6 443 953 lekë.

Tenderi i tretë, është sërish në Vlorë për ndërtimin ?Sistemim rrjeti shperndarës 20kV dhe 6kV për Lungomaren?. Fondi limit për këtë tender ishte 48,768,210 lekë dhe fituesi është shpallur me 46.793.611 lekë.

Tenderi i katërt, i cili parashikon mobilimin e zyrave të OSHEE në godinën e re kishte një fond limit prej 129,827,000 lekë. Ajo është fituar nga oferta me vlerë 125,930,880 lekë.

Këto janë dhuratat e OSHEE për qytetarët me rastin e festave. Ky vit mund të quhet sukses për OSHEE, e cila është kujdesur që në shumicën e tenderave të realizuara të fitojnë ofertuesit me 99% të vlerës./citynews





Lajmet e fundit nga