web counter
LEXO PA REKLAMA!

SHKARKO APP

App Store
Google Play

E fundit!

x

Koalicioni/ LSI mban sërish në ankth Edi Ramën

30 Dhjetor 2016, 13:22, Aktualitet CNA

Lëvizja Socialiste për Integrim ka lënë sërish pa përgjigje kryeministrin Edi Rama, i cili në lidhje me koalicionin përsërit çdo ditë se LSI duhet të jetë pjesë e saj edhe në zgjedhjet e vitit 2017.

Në konferencën përballë gazetarëve, Rama u shpreh se Partia Socialiste nuk mund të merret me taktika politike. Ai tha se koalicioni PS-LSI është domosdoshmëri për vendin.

Por, vetëm pak minuta pas mbylljes së konferencës me gazetarët, LSI ka komentuar këto deklarata të Ramës.

Në fakt, në një dalje për shtyp, deputeti Luan Rama i bëri bisht pyetjes së gazetarit për pozicionimin e LSI. Ai u mundua të shpjegojë se LSI është forcë serioze dhe që i përmbush detyrimet e koalicionit, por nuk tha asgjë se kush është qëndrimi i kësaj force politike në lidhje me ofertën e Ramës, e cila tashmë po bëhet e përditshme.

?Ne jemi në koalicion bashkëqeverisës. Ne i qëndrojmë marrëveshjeve dhe përmbushim të gjitha detyrimet. Do të vazhdojmë të punojmë me seriozitet për të përmbushur detyrimet. LSI do të orientohet nga interesi i qytetarëve shqiptar. Nuk kemi asnjë arsye taktike, por vetëm prioritete strategjike që do të thotë integrimin e Shqipërisë. Ne do të vazhdojmë të jemi forcë serioze?, tha Luan Rama

/citynews/





Lajmet e fundit nga