E fundit!

11:38 Aktualitet

Rrëshqitje dheu në Kodër Currila/ Rrezikohet pallati

Rrëshqitje dheu janë regjistruar në Kodër Currila në orët ...

Basha tregon bilancin e fundit të Ramës/ Kryeministër i korruptuar dhe i lidhur me krimin

30 Dhjetor 2016, 15:44, Aktualitet CNA

Kryetari i Partisë Demokratike Lulzim Basha, ka reaguar pas konferencës së kryeministrit Edi Rama, ku bëri me dije arritjet e qeverisë.

Përmes një deklarate për shtyp, Basha shprehet se ky ishte bilanci i fundit i një kryeministri të korruptruar dhe të lidhur me krimin. Sipas tij, Rama hoqi 40 mijë familje nga ndihma ekonomike, rriti çmimin e energjisë, uli pagat dhe nuk rriti pensionet, rriti kreditë shkatërroi zgjedhjet në Dibër, ndërkohë që ka ndarë 100 milionë dollarë për koncesionin e radhës.

Më tej, kreu i PD shprehet se Rama shkaktoi kaos, ankth dhe padrejtësi per mijëra maturantë dhe familjet e tyre, mbuloi Shqipërinë me drogë, nuk u nda asnjë ditë nga krimi, mbrojti deri në fund Rroshin, thelloi aleancën me trafikantët, i dha garanci dhe liri Lul Berishës dhe bllokoi integrimin europian.

Postimi i plotë i Bashës

Bilanci 2016 dhe fundviti i fundit i një kryeministri të korruptuar e të lidhur me krimin:
Hoqi 40 mijë familje nga ndihma ekonomike, e bëri më të vështirë pagesën e papunësisë, la mijëra persona me aftësi të kufizuar pa pagesë, rriti cmimin e energjisë, nafta më e shtrenjta në rajon, uli konsumin, uli kreditimin, uli eksportin dhe importin, uli pagat dhe nuk rriti pensionet, asnjë investim i ri publik, rriti me 2 përqind papunësinë, ditën e përmbytjes së mijëra familjeve nga uji dhe balta iku për ekspozitë pikture në SHBA, rriti kreditë e këqija me 5 përqind, 140 milionë dollarë më pak kredi për biznesin se një vit më pare, zero mbeshtetje per fermeret, shkatërrroi zgjedhjet në Dibër, rrënoi shëndetësinë ndërkohë që ka ndarë 100 milion dollarë për koncesionin e radhës, shkaktoi kaos, ankth dhe padrejtësi per mijëra maturantë dhe familjet e tyre, mbuloi Shqipërinë me drogë, nuk u nda asnjë ditë nga krimi, mbrojti deri në fund Rroshin, thelloi aleancën me trafikantët, i dha garanci dhe liri Lul Berishës, bllokoi integrimin europian, vrau shpresën për 80 mijë shqiptarë që braktisën edhe këtë vit vendin.