web counter
LEXO PA REKLAMA!

SHKARKO APP

App Store
Google Play

E fundit!

x

Rama nuk jep shpërblim për fundvitin për mësuesit/ I torturon me urdhër në dreka partie

27 Dhjetor 2016, 12:52, Aktualitet CNA

Partia Demokratike ka denoncuar sot mungesën e shpërblimit për arsimtarët me rastin e festave të fundvitit.

Përmes një postimi në rrjetet sociale, deputeti Luciano Boci u shpreh se në vend të shpërblimit, Rama po u jep mësuesve një lëmoshë drekë së bashku me Ministrin e Brendshëm, Saimir Tahirin.

Boci ka denoncuar edhe një foto të Tahirit me shtetasin Ermal Myrto, i cili u arrestua për krim nga policia e Shtetit dhe sot është emëruar nga Rama si mësues.

Më poshtë, deklarata e plotë

Skandaloze ajo që ndodhi dje me mësuesit e Tiranës e po ndodh edhe sot me ato të Kamzës!

Në vend që Rama t’i japë mësuesve shpërblimin e fundvitit, siç i takon dhe e kërkon kodi i punës e kontrata kolektive, u imponon atyre një lëmoshë-drekë me Ministrin e Brendshëm, sipas kodeve partiake.

Në vend që t’i lënë pak rehat, të shijojnë së paku pushimet e Krishtlindjeve e Vitit të ri, mësuesit i rreshtojnë me zor, me pjata para, për të përtypur propagandë e fushatë elektorale pa hesap, sipas kodeve të arrogancës.

Dhe jo vetëm kaq.

Ministri i Brendshëm, nuk heziton të pozojë para të gjithë mësuesve, me njerëz të arrestuar vetëm para një viti, sipas kodeve të mafias.

Të arrestuar, pikërisht për krim ndaj vetë policisë së shtetit e tani të emëruar nga Rama mësues, siç është rasti i fotos me Ermal Myrton.

Rama me Ministrin e tij të brendshëm, hapur përqafojnë krimin, promovojnë krimin dhe mbështesin krimin.

Rama dhe Ministri i tij janë përkrah Elvis Roshit, Armando Prengës e Ermal Myrtos.

Rama dhe krimi janë sot një e të pandarë.

Largimi i Ramës, është largim i krimit nga politika.





Lajmet e fundit nga