web counter
LEXO PA REKLAMA!

SHKARKO APP

App Store
Google Play

Pastrimi i Drejtësisë/ Ja roli i amerikanëve dhe gjermanave

27 Dhjetor 2016, 09:40, Aktualitet CNA

Shtetet e Bashkuara të Amerikës dhe Bashkimi Europian, shumë shpejt do të marrin në dorë procesin e vetingut. Në janar, përfaqësuesit e Operacionit Ndërkombëtar të Monitorimit do zbarkojnë në Tiranë, teksa mësohet se ditët e fundit janë ndarë dhe detyrat që do të ketë secila palë.

Gazeta Sot shkruan se BE do ketë rol më të madh në procesin  vetingut, ndërsa amerikanët rol do kenë në luftën ndaj korrupsionit. Për këtë arsye, në lidhje me rivlerësimin kalimtar të gjyqtarëve dhe prokurorëve, ekspertët amerikanë do fokusohen vetëm te lidhjet kriminale të gjyqtarëve, ndërsa fokusi i BE dhe veçanërisht ekspertëve gjermanë do jetë kontrolli i pasurisë së gjyqtarëve dhe prokurorëve. Grupi i ndërkombëtarëve do përbëhet nga 8 gjyqtarë profesionistë me mbi 15 vite përvojë, ndërsa do ketë dhe një staf mbi 20 persona që do asistojnë në procesin e verifikimit.

Përveç ekspertëve apo vëzhguesve që do të zbarkojnë në Tiranë dhe do të punojnë nga afër me Komisionin e Verifikimit apo Kolegjin e Apelimit, një njësi e posaçme është ngritur në Bruksel. Bëhet fjalë për një njësi bashkërenduese mes gjyqtarëve që do vijnë në Tiranë dhe zyrës së zgjerimit dhe asaj të drejtësisë. Sipas burimeve, çdo informacion që do merret për gjyqtarë e prokurorë në Tiranë, do i komunikohet grupit që ndodhet në Bruksel, i cili do japë mendime dhe do hartojë raporte për raste të caktuara.

Burime nga EURALIUS bënë me dije se procesi i kontrollit të figurës së gjyqtarëve do i delegohet SHBA. Ekspertët e saj do të merren vetëm me verifikimet e gjyqtarëve a prokurorëve nëse kanë pasur lidhje me botën e krimit apo jo. Ndërsa kontrolli i pasurisë dhe i karrierës do lihet në dorë të përfaqësuesve të BE. Interesant është fakti se drejtoria për drejtësinë në Komisionin Evropian, do të ndjekë të gjitha zhvillimet që do ndodhin në Shqipëri dhe në krye të saj do jetë gjermani Reinhard Priebe. Nga ana tjetër mësohet se i përfshirë do jetë dhe komisioni për zgjerimin, duke treguar se nga vetingu varet dhe integrimi i vendit.





Lajmet e fundit nga