E fundit!

11:34 Politikë

Përplasje për reformën zgjedhore, PS merr vendimin e vetme

Procesi i reformës zgjedhore do të vijojë edhe në muajt e ...

Zbardhet lista/ Ja deputetët që nuk i kanë votuar Ramës ligjet gjatë sesionit të 7 parlamentar

27 Dhjetor 2016, 10:48, Aktualitet CNA

Gjatë sesionit të 7-të parlamentar nuk qenë të pakta rastet kur mazhoranca ishte në vështirësi numrash, duke shkuar deri aty sa të shtyheshin ligjet për në javën pasardhëse. Pavarësisht thirrjeve nga drejtuesit e lartë të PS, Edi Rama dhe Gramoz Ruçi, përsëri një pjesë e deputetëve vijuan të bojkotojnë seancat, rrjedhimisht duke mos votuar ligjet. Gazeta “Sot” sjell një përmbledhje të seancave të zhvilluara gjatë katër muajve të fundit dhe deputetët që kanë votuara ligjet e paraqitura nga qeveria si edhe atyre që për një arsye apo për një tjetër i kanë refuzuar këto ligje. Ajo që bie në sy është se numri i deputetëve që kanë refuzuar të votojnë ligjet e Edi Ramës është i madh dhe i larmishëm, bëhet fjalë këtu për deputetë të deklaruar si pjesë e koalicionit qeverisës dhe nuk llogariten deputetët e opozitës. Por le të ndalemi konkretisht tek deputetët që kanë ?refuzuar? më shumë kryeministrin. Rekordin e mban Parid Cara, i cili gjatë sesionit të shtatë nuk i ka votuar ligjet e qeverisë plotë 10 herë. Cara ka munguar katër seancat e zhvilluara gjatë muajit shtator, katër të tjera në muajin tetor ndërsa dy të tjera në muajin dhjetor. Cara nuk është i vetmi nga radhët PS që nuk ka votuar listat, pasi pjesë e listës janë edhe Vladimir Kosta, i cili ka munguar gjashtë seanca, 4 seanca në muajin shtator dhe dy të tjera në tetor. Mira Shehu, e cila ka munguar në tre seanca të muajit shtator si edhe Enkelejda Shkreli. Kjo e fundit në total nuk ka votuar ligjet e qeverisë nga katër seanca, dy në muajin nëntor dhe dy në muajin dhjetor. Po ashtu edhe dy eksponentë të lartë të PS, Arta Dade dhe Taulant Balla, kanë refuzuar të votojnë ligjet e Ramës secili nga dy seanca.

Bojkoti i PDIU

Edhe pse është pjesë e koalicionit qeverisës prej kohësh tashmë, rezulton se deputetët e Partisë për Drejtësi, Integrim dhe Unitet kanë refuzuar në pjesën më të madhe të votojnë ligjet e Edi Ramës. Edhe pse publikisht nuk ka asnjë shenjë për ndonjë përplasje mes tyre, faktet tregojnë se gjatë muajve të fundit PDIU ka refuzuar të votojë ligjet e paraqitura nga qeveria, edhe pse publikisht ata kanë dalë vetëm kundër ligjit të importit të plehrave. Deputetja Mesila Doda, pjesë e grupit parlamentar të PDIU, nuk ka votuar ligjet e qeverisë në plot tetë seanca të katër muajve të fundit. Doda ka munguar në katër seancat e zhvilluara në muajin shtator, dy seanca në muajin tetor dhe po kaq në muajin dhjetor. Në sy bie edhe kreu i PDIU. Shpëtim Idrizi ka refuzuar të votojë ligjet në shtatë raste. Kreu i PDIU-së nuk ka votuar në katër seancat e muajit shtator si edhe në tre seanca të zhvilluara gjatë muajit dhjetor. Ndërkohë ligjet i kanë refuzuar t?i votojnë edhe deputetë të tjerë të PDIU-së si Tahir Muhedini, në tre seanca apo Aqif Rakipi në katër raste.

Blushi dhe Hafizi

Që në momentin që shpallën kundërshtitë e tyre në lidhje me drejtimin që Edi Rama po i bënte Partisë Socialiste, Ben Blushi dhe Mimoza Hafizi reflektuan qëndrimin e tyre edhe në Parlament duke mos i votuar ligjet e paraqitura nga qeveria dhe në disa raste duke dhënë votën e tyre kundër. Mimoza Hafizi nuk i ka votuar ligjet në 6 seanca plenare, katër prej tyre të zhvilluara në majin shtator, ndërsa dy të tjerat rezultojnë në muajin dhjetor. Po ashtu edhe Ben Blushi ka mbajtur të njëjtin qëndrim. Blushi është deputeti i cili mban rekordin pasi nuk i ka votuar Edi Ramës ligjet në 10 seanca, tre seanca në muajin shtator, tre në tetor, dy në nëntor dhe dy në dhjetor.