web counter
LEXO PA REKLAMA!

SHKARKO APP

App Store
Google Play

E fundit!

x

Dekriminalizimi/ Ministri Manjani: Kriminelët janë zgjedhur dhe emëruar në poste publike

27 Dhjetor 2016, 12:20, Aktualitet CNA

Ministri i Drejtësisë Ylli Manjani shprehet se ka ende persona që kanë kryer krime dhe janë zgjedhur apo emëruar në një detyrë publike.

Përmes një postimi në rrjetet sociale, Manjani shkruan se kjo është moralisht e papranueshme dhe tashmë edhe ligjërisht e tillë.

“Dekriminalizimi” i institucioneve publike nga persona me të shkuar kriminale është tema që po mbyll këtë vit.

Përtej diskutimeve procedurale mbi dokumenta dhe të drejtat e njeriut një gjë mbetet: kemi ende persona,që në jetën e tyre kanë kryer një krim dhe që janë zgjedhur apo emëruar në një detyrë publike! Kjo ishte moralisht e papranueshme dhe tashmë është dhe ligjërisht e tillë!?, shkruan Manjani

Më tej, Ministri i Drejtësisë thekson se politika duhet të distancohet sot dhe të mos lejojë nesër penetrimin e kriminelëve. Sipas tij, viti që vjen është ftesë për partitë politike të ndalojnë riciklimin e këtyre personazheve.

Ai shprehet se politika ka dy alternativa, të kthejë besimin tek politika dhe shteti ose ta shkallmojë atë përfundimisht.

?Debati politik mbi çështje konkrete nuk ndihmon! Politika duhet vetëm të distancohet sot dhe të mos lejojë nesër (vitin e ardhshëm) penetrimin e “krimineleve” të rinj në funksione drejtuese!

Nuk bëhet dot as politikë e as shtet me funksionarë vulnerabel, pra të kapur peng nga e shkuara e tyre! I burgosuri nuk mund të bëhet gardian! Ai/ajo që fjalët “ç’a ke që sheh” i përdor rregullisht nuk mund të drejtojë asgjë, përveç egos personale!
Kështu që “dekriminalizimi” si koncept i veçantë ligjor pati një efekt.

Viti që vjen është ftesë për Partitë Politike të ndalojnë “riciklimin” e këtyre personazheve!

Janë dy alternativa:të kthejmë besimin tek politika dhe shteti, ose ta shkalljmojmë atë (besimin) përfundimisht!

Kam mendimin se të pastrit, të diturit, të drejtët, të përkushtuarit dhe punëtorët do kthejnë besimin! 
Të tjerët të lënë në mes të rrugës!

Jam i bindur që viti 2017 do jetë viti i kthesës!

Kështu do ta gëzojmë vërtetë vitin që vjen!?, përfundon ai





Lajmet e fundit nga