Parashikimi i Lubonjës/ Në 2017-ën na pret kaosi total, klasa politike e çmendur

26 Dhjetor 2016, 17:48, Aktualitet CNA

Analisti i njohur Fatos Lubonja, i ftuar në rubrikën ?Opinion? në studion e lajmeve në News 24 komentoi zhvillimet politike të vitit që po lëmë pas, se çfarë ndryshimesh ka sjellë 2016-ta në jetën e shqiptarëve dhe çfarë parashikon ai se do të ndryshojë në Vitin e Ri 2017-të.

Por ndërsa 2016-ën e cilëson si vit të zhgënjimit total, Lubonja thotë se 2017-ta do jetë edhe më i zymtë, ndërsa nuk nguron ta quajë vit të kaosit të madh.

Sipas tij, shqiptarët janë varfëruar gjatë 2016-ës dhe duan të braktisin vendin në masë, ndërsa reformat e qeverisë siç shton ai, nuk kanë pasur ndonjë efekt në jetët e tyre.

?Reforma në drejtësi është një reformë në letër, të tilla kemi bërë që nga ?91 dhe nuk i kemi zbatuar. Problemi ynë më i madh nuk kanë qenë ligjet, por mënyra si i zbatojmë këto ligje. Nuk duhet një reformë në letër por një reformë se si të jemi të gjithë të barabartë përpara ligjit?,- tha ai.

Sipas tij, e keqja më e madhe e shqiptarëve është klasa politike që kemi. ?Kemi një klasë politike, rilindësit e famshëm që nuk mendojnë gjë tjetër vetëm si t?ua hedhin këtyre njerëzve. Natë e ditë këtë mendojnë si të mashtrojnë?.

Marrëdhënien mes dy aleatëve që qeverisin, Ramës e Metës, Lubonja e sheh si një marrëdhënie mes bandash, madje sipas tij, ?Rama ka futur edhe bandën e Idrizit në funksionim, rivale për të dobësuar Metën. Këta nuk po përmirësojnë njëri-tjetrin LSI tenton të duket më normale por ka interesat e veta?,- thotë ai.

Situatën e zymtë politike, Lubonja e përcjell përmes fjalëve: ?Është një bandë kriminale që duhet hequr qafe, po kush ta heqë? Është një bandë tjetër që pret të vijë në pushtet??

Pikërisht zhgënjimi që ka nga politika e bën të mendojë që edhe 2017-ta nuk do jetë më i mirë. ?Nuk mendoj që ka gjasa të jetë më i mirë. Kam frikë se 2017-ta do të jetë viti i kaosit total, është një klasë politike e çmenduar, merimanga e droguar e kam quajtur duke u nisur nga projektet që kanë prezantuar. Rritje taksash këtej, rritje andej dhe se ku i hedhin këto para që vjelin askush se di. Pra, taksa kthehet mbrapsht në formë investimi, por këtu unë shoh një situatë të errët shprese, shoh dëshpërim total dhe rrezikun e një kaosi total?,- sipas tij.