E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Kalendari sipas datave për shpërblimet e pensionistët për festat e fundvitit

21 Dhjetor 2016, 07:47, Aktualitet CNA

Nis sot ndarja e shpërblimeve për pensionistët për festat e fundvitit. Duke nisur nga dita e sotme, pensionistët do të kenë mundësi të tërheqin në zyrat e Postës Shqiptare shpërblimin e fundvitit prej 6 mijë lekësh të rinj. Afati për të tërhequr shpërblimin do të jetë data 30 dhjetor, çdo ditë nga ora 07:30 deri në 20:00. Instituti i Sigurimeve Shoqërore dhe Posta Shqiptare firmosën dje marrëveshjen, ku Posta Shqiptare merr përsipër të kryejë pagesën e shpërblimit të festave të fundvitit pensionistëve, në qendrat e saj paguese.

Drejtori i Institutit të Sigurimeve Shoqërore, Astrit Hado, tha se është miratuar kalendari i ndarjes së shpërblimeve. ?Instituti i Sigurimeve Shoqërore janë siguruar të gjitha fondet e marra nga Thesari i Shtetit. Janë transferuar pranë drejtorive rajonale dhe filialeve të Postës në tërë Republikën dhe nesër në mëngjes (sot) me hapjen e zyrave postare të gjithë pensionistët që kanë datën e tërheqjes përveç këstit mujor do të tërheqin edhe shpërblimin?, u shpreh Hado.

Sipas Institutit të Sigurimeve Shoqërore, pagesat e shpërblimit evidentohen me listë-pagesë të veçantë. Listë-pagesat do jenë ato që përdoren për pagesat e pensioneve. Në rastet e pagesave për persona të autorizuar, dokumentet e identifikimit do të jenë ato që shërbejnë edhe për pagesën e pensionit.

Sipas tabelës që njofton ISSH, ata që pensionet i kanë marrë në datat 1, 2 dhjetor 2016, shpërblimin do e tërheqin tërhiqet më 21 dhjetor.

Pensionet që janë marrë në datat 5, 6 dhjetor 2016, shpërblimi tërhiqet më 22 dhjetor.

Pensionet që janë marrë në datat 7, 8 dhjetor 2016, shpërblimi tërhiqet më 23 dhjetor.

Pensionet që janë marrë në datat 9, 12 dhjetor 2016, shpërblimi tërhiqet më 24 dhjetor;.

Pensionet që janë marrë në datat 13, 14 dhjetor 2016, shpërblimi tërhiqet më 26 dhjetor.

Pensionet që janë marrë në datat 15, 16 dhjetor 2016, shpërblimi tërhiqet më 27 dhjetor.

Pensionet që janë marrë në datat 19, 20 dhjetor 2016, shpërblimi tërhiqet më 28 dhjetor.

Në datat 29 dhe 30 dhjetor tërhiqet shpërblimi dhe pensioni që kanë mbetur pa tërhequr më parë.