E fundit!

22:29 Aktualitet

Protestuesit largohen nga Kryeministria/ Nisin marshimin në rrugët e kryeqytetit

Protestuesit janë larguar nga sheshi para Kryeministrisë, ...

Flamur Noka, dekriminalizimi dhe kriminelët e parlamentit

20 Dhjetor 2016, 19:07, Aktualitet CNA

Sot, prokuroria, pas shumë kohësh reagoi duke dhënë rekomandimin e saj për të larguar nga parlamenti dy deputetë dhe për të shkarkuar një kryetar bashkie.

Bëhet fjalë për Shkëlqim Selamin e LSI që ka kaluar me PS, për Dashamir Tahirin e PDIU që ka kaluar me PD dhe Elvis Rroshin e PS.

Mediat pranë qeverisë po servirin sot ?indiferencën? e prokurorisë për imunitetin apo ?kriminalizimin? e Flamur Nokës.

Po si qëndron e vërteta ?

Tre personat e sipërpërmendur, por edhe disa deputetë të tjerë apo kryebashkiakë janë akuzuar dhe tashmë iu është vërtetuar, apo i kanë vetë-deklaruar se kanë kryer vepra penale, trafik droge, prostitucion, vrasje etj.

Në rastin e Flamur Nokës, gjithçka është krejt ndryshe, kjo jo për të mbrojtur deputetin e PD-së dhe as për të bërë avokatin e tij se kurrsesi nuk do ta donim të ishim në një pozicion të tillë, Por, për të bërë një krahasim dhe për ti treguar të vërtetën opinionit publik.

Flamur Noka është një nga të shumë të rinjtë shqiptarë, të arratisur në vitet 90?, i cili është kapur nga ushtria jugosllave e atëhershme. Më pas, siç edhe ai vetë e ka deklaruar, është burgosur, keqtrajtuar dhe kthyer në Shqipëri.

Deputeti demokrat Noka është një nga ata të rinj që thyen kufijtë. Shumë prej tyre ngelën në telat me gjemba të diktaturës, nuk mundën ta kalonin klonin. Të tjerë që e kaluan sot jetojnë si qytetarë europianë.

Ka një ndryshim thelbësor midis një grupi të inkriminuarish, trafikantësh dhe vrasësish që kanë kryer këto vepra penale pas viteve 90? dhe një të riu që ka thyer kufirin për të jetuar i lirë.

Ndoshta politika mund të ushqejë militantët e saj, herë me mish e herë me krunde, por në këtë rast ushqimi i servirur është kaq bajat sa zor se do ta hanin edhe derrat.

Fati i Flamur Nokës si deputet nuk mund të jetë në dorë të prokurorisë si një çështje kriminale sepse kështu duhet të shpallim ?armiq? dhe ?kriminelë? dhjetra e mijëra shqiptarë që kaluan kufirin, por nuk u kthyen pas, apo qindra e qindra të tjerë që kryesisht ish-jugosllavia i rikthente në Shqipëri.

Të arratisurit e viteve 90? nuk janë kriminelë. Më pas mund të kenë bërë gjithçka, dikush me ndershmëri dhe dikush me krim, por kurrsesi nuk mund të penalizohen se kanë kthyer kufijtë dhe janë kapur nga policia e vendeve fqinje./citynews