web counter
LEXO PA REKLAMA!

SHKARKO APP

App Store
Google Play

E fundit!

x

Video- Lulzim Basha kapet mat/ Dy qëndrime për integrimin

7 Dhjetor 2016, 19:51, Aktualitet CNA

Kreu i Partisë Demokratike, Lulzim Basha, duket se nuk është i sigurt në veprimet politike dhe strategjinë e tij në lidhje me çeljen e negociatave për Shqipërinë.

Disa ditë më parë, kur në Bruksel po diskutohej çelja e negociatave për Shqipërinë, i dërguari i Partisë Demokratike, Aldo Bumçi, i porositur nga kreu i PD, u shpreh kundër hapjes së negociatave.

Në mbledhjen e Brukselit, përfaqësuesit e PD, votuan kundër hapjes së negociatave, përveç deputetes Majlinda Bregu, ish-ministre e Integrimit, e cila për këtë qendrim u kryqëzua nga PD.

Në fakt, Bregu e ka shprehur qëndrimin e saj shumë kohë më parë. Siç shihet në videon e mëposhtme, deputetja demokrate ka qenë që në krye të herës pro çeljes së negociatave. Sipas saj, kjo do të sillte një kontroll më të madh të qeverisë dhe njëkohësisht vënien përballë realizimit të detyrave.

Ditën e sotme, në një qëndrim krejtësisht të kundërt me atë të disa ditëve më parë, kryetari i PD, Lulzim Basha ka ndryshuar mendim. Gjatë deklaratës së sotme, Basha shpreh një qëndrim të ngjashëm me atë të deputetes Majlinda Bregu.

Ai thekson se PD kërkon hapjen e negociatave si një presion ndaj qeverisë, njësoj siç Bregu kishte deklaruar kohë më parë./citynews

Më poshtë, një nga qëndrimet publike (në shtator të vitit 2016) kur Bregu ka qenë pro hapjes së negociatave  dhe ajo e Bashës sot.





Lajmet e fundit nga