web counter
LEXO PA REKLAMA!

SHKARKO APP

App Store
Google Play

E fundit!

x

Mbërrin në Durrës “Soft Power” i Izraelit

7 Dhjetor 2016, 14:45, Aktualitet CNA

Për ne shqiptarët imazhi i Izraeit është përgjithsisht në sfondin e një fuqie thuajse të pamatë ushtarake me tanke ?Merkava? apo me anije patrulluese ?Shaldag?, ose edhe si shprehje e koncentruar e një efikasiteti maksimal të shërbimeve të sigurisë si Mossad-i apo Shin Bet-i. Cmontimi i celulës terroriste të Daesh-it në Ballkan në prag të ndeshjes së futbollit Shqipëri-Izrael ishte mishërim i një Izraeli të tillë në sytë e shqiptarëve.

Fatmirësisht Ambasada izraelite në Tiranë po u ofron shqiptarëve edhe një tjetër shëmbëlltyrë të Izraelit. Kjo ambasadë duke ndjekur shembullin e Ambasadës ruse dhe personalisht të Sh.T. Karpushkin, apo edhe të Ambasadës iraniane në Tiranë, që në kohën e sekretarit të parë Fahima, po u prezanton shqiptarëve edhe pushtetin e butë (Soft power) të shtetit ebre.

Sot në Durrës nën kujdesin e Ambasadës izraelite u zhvillua një aktivitet mbresëlënës në Shkollën e Fëmijëve me Prapambetje të Lehtë Mendore. Tre specialistë hebrenj (psikolog, muzikologe dhe shef kuzhine) të shoqëruar nga zv/ambasadori izraelit z.Yuval Fischer shkëmbyen me personelin e shkollës mbresa nga përvojëa e tyre e pasur përsa i përket punës me këtë kategori fëmijësh. Miqtë izraelitë po ashtu asistuan në një minikoncert të njërit prej fëmijëve të shkollës, i cili si muzikant virtuoz luajti për miqtë në fyell, cifteli, tambur dhe këndoi këngë popullore shqiptare vecanërisht të preferuara nga komuniteti i egjiptianëve të Shqipërisë. Muzikologia ebreje e shoqëroi muzikën me cifteli të muzikantit të vogël shqiptar duke i rënë fyellit duke krijuar kështu një atmosferë sa të ngrohtë aq edhe të këndshme për fëmijët e kësaj shkolle speciale.

Drejtoresha Cercizi me kompetencë profesionale informoi izraelitët për ecurinë e shkollës, për marëdhëniet e pushtetit lokal me shkollën si edhe të donatorëve të ndryshëm të huaj. Drejtoresha bëri publik edhe nëj lajm të mirë për këtë shkollë: kryebashkiaku Dako personalisht i kishte premtuar, në janar 2017 fillon rikonstruksioni i shkollës (kaldaja, guzhina, nyjet hidrosanitare etj.) me fondet e Bashkisë Durrës. Miqtë izraelitë premtuan se do ta ndihmonin shkollën me këshilla të vyera sesi të arrinte të konkuronte me sukses dhe të fitonte grante europiane p[ër institucione të specializuara për fëmijë të tillë me prapambetje të lehtë mendore.

Aktiviteti i sotëm në Durrës nuk është i vetmi i këtij lloji i ndërmarrë nga Ambasada izraelite gjatë muajve të vjeshtës  2016. Kujtojmë këtu kontributin e kësaj ambasade në Festivalin Ndërkombëtar të Filmit për të Drejtat e Njeriut (IHRFFA), apo edhe në uorkshopin për menaxherë të komunitetit të organizuar nga Fondacioni Shqiptaro-amerikan për Zhvillim.Nëkëtë kontekst nuk duhet harruar edhe kontributi personal i zv/ambasadorit Fischer në organizimin e vizitës në Shqipëir të profesorit të famshëm ebre Dan Shechtman, nobelist në disiplinën e kimisë.

Me sa duket kjo shpalosje e ?pushtetit të butë? të Izraelit në Shqipëri shërben si veprimtari komplementare dhe lustruese për veprimtarinë e bizneseve izraelite në Shqipëri si Linja e transportit me kontejnerë ZIM, apo dhe të biznesmenëve kontroversë izraelitë si Ofir Nimrodi, Heinrich Thomet, Shmuel Avivi apo dhe Amiran Dzhanashvili-t.

GJERGJ THANASI





Lajmet e fundit nga