Negociatat/ Bojaxhi: Gjermania foli qartë, ja pse duhet vetting për gjithë drejtuesit e shtetit

25 Nëntor 2016, 19:52, Aktualitet CNA

Gjergj Bojaxhi, anëtari themelues i ?Sfida për Shqipërinë? i ftuar në rubrikën ?Opinion? në News 24 komentoi deklaratën e djeshme të deputetit të Bundestag-ut Gjerman, Gunther Krichbaum kundër hapjes së negociatave të Shqipërisë me BE.

Sipas Bojaxhi, problemet që i dërguari i partisë së Merkel evidentoi në Tiranë vijnë pasi ligji i tanishëm i Vettingut, për të cilin Kushtetuesja pret një opinion nga Venecia, prek vetëm një pjesë të administratës dhe jo të gjithë drejtuesit e shtetit.

?Problemet janë më shumë se një. Së pari Vettingu jo vetëm duhet bërë por edhe zbatuar, por nuk mund të jetë vetëm për një segment të adminsitratës, por në të gjitha nivelet: sistem drejtësie, ministra, drejtues të kompanive KESH, OST, etj,. Nëse duam të pastrojmë shoqërinë tonë kemi nevojë që ligji për vettingun të aplikohet për të gjithë drejtuesit e shtetit?,tha ai

Më tej, Bojaxhi tha se deklarata e Krichbaum mund të lexohet si një mesazh serioz dhe zyrtar i Parlamentit gjerman.

?Deklarata e parlamentarit gjerman që mu duk si paralajmërim i qeverisë gjermane ishte i qartë për një shtet si Shqipëria dhe në kushtet ku është Europa. Nëse politikanët shqiptarë dhe shoqëria nuk zgjidh këto probleme nuk mund të ketë një rrugë të hapur për BE, është problem i klasës politike por edhe i yni si qytetarë. Mesazhi ishte serioz, jo final por qartazi një qëndrim zyrtar i Parlamentit Gjerman dhe pse jo i kancelarisë gjermane?,- shtoi ai.

Bojaxhi shtoi se mesazhi gjerman duhet ta bëjë popullin shqiptar të reflektojë në 2017-ën, që të votojë ndryshe nga vitet e kaluara.

?Secila palë e përdori politikisht, e vërteta është se sa është përgjegjës Rama aq është edhe qeveria e demokratëve në 8 vjet. Me reagimet e secilës palë tregojnë se janë politikanë të vegjël se si mundohen të fitojnë pikë. Europianët njihen për diplomaci të sofistikuar, mesazhin e bëjnë të qartë, nuk njihen për gjuhë kamxhiku. Me këtë mesazh që dhanë, mbase duhet të votojmë ndryshe në 2017 që të arrijmë aty ku duhet?,- theksoi Bojaxhi.