E fundit!

07:08 Sociale

Moti për ditën e sotme/ Ja sa gradë do të shënojë termometri

Ditën e sotme vendi ynë do të ndikohet nga kushte atmosfer...

Analiza e shifrave/Basha nuk fiton edhe me Ilir Metën

12 Nëntor 2016, 09:05, Aktualitet CNA

Prej disa kohësh në qarqet politike problemi dhe diskutimi më i madh është pozicioni që do të mbajë LSI në zgjedhjet e vitit të ardhshëm. Pra, në cilin koalicion do të shkojë Meta? Do të ridalë me Ramën apo do të rikthehet tek PD e Bashës?

Duke bërë një analizë të shifrave mbështetur në rezultatin e zgjdhjeve 2013, rezulton se demokratët e Bashës edhe pse mund të marrin Metën brenda, nga llogaritja e votave mund të mos fitojë zgjedhjet 2017. Në disa nga qarqet kryesore ku mund të bëhen diferencat e votave, rezulton se largimi i Metës nuk i çon socialistët në Opozitë. Në Elbasan, në Durrës, në Tiranë, në Fier, në Vlorë apo edhe në Dibër, Edi Rama mandatet i zëvëndëson me çamët e PDIU-së. Ilir Meta në vitin 2013 ka rreth 180 mijë vota. Koalicioni socialist 990 mijë vota. Çamët e PDIU kanë 45 mijë vota ndërsa koalicioni i PD-së Bashës 680 mijë të tilla.

Ashtu siç llogaritëm më sipër mandatet e deputetëve, në rast se votat e LSI-së i cojmë të gjitha tek Basha, koalicioni pa çamët, duke shtuar kuqeinjtë e Kreshnik Spahiut, merr rreth 720 mijë vota në numër mandatesh shkon rreth 66-68 mandate.

Koalicioni i Ramës me çamët do të shkonte rreth 72-74 mandate. Brenda koalicionit socialist përfshihen dhe rreth 30 mijë votat e Bamir Topit, i cili në rast se do të ishte me Bashën dhe Metën me frymë elektorale mund të çonin koalicionin anti-Rama drejt fitores.

Këto janë disa të dhëna sipas rezultateve të zgjedhjeve të vititi 2013, ku duket qartë se socialistët jo pa qëllim kanë marrë në koalicion çamët e PDIU-s.

Së pari për të dobësuar rolin e Metës në koalicion dhe së dyti për të garantuar mandatet, rreth 70 të tilla në çdo rast të mundshëm.

Surprizat në zgjedhjet e ardhshme parlamentare mund të jenë të shumta. Kjo për shkak se në shifrat që ne përmendëm nuk është analizuar ?Libra? e Blushit, ?Sfida? e Gjergj Bojaxhi, apo Partia Agrare e Dukës, të cilat me shumë gjasa, së bashku me AKZ-në e Kreshnik Spahiut do të përfaqësohen në Parlamentin e ardhshëm të Shqipërisë.