web counter
LEXO PA REKLAMA!

SHKARKO APP

App Store
Google Play

Debate të vazhdueshme pas vendimit të Gjykatës së Lartë për Brexit-in

5 Nëntor 2016, 21:07, Kosova & Bota CNA

Ministrja britanike e Drejtësisë kërkoi sot respektim të institucionit gjyqësor pas sulmeve kundër Gjykatës së Lartë të Londrës dhe vendimit të saj për t?i dhënë Parlamentit një të drejtë vote për Brexit-in.

Tre gjyqtarë të Gjykatës kanë shkaktuar një goditje të rëndë për qeverinë e konservatores, Theresa May duke vlerësuar të enjten se deputetët duhet të votonin për fillimin e procesit të daljes nga Bashkimi Evropian.

Ky vendim ngjalli nervozizëm tek disa mbështetës të ?Brexit?-it, të shqetësuar për vështirësitë që ky vendim mund të shkaktonte në zbatimin e divorcit me BE-në, por gjithashtu një pjesë e shtypit euroskeptik, tabloidi ?Daily Mail? nuk heziton t?i paraqesë tre gjyqtarët si ?armiq të popullit?.

Para sulmeve të dhunshme, disa politikanë kanë kërkuar ndërhyrjen e qeverisë.

??Ka ardhur koha që të ndalojmë këtu, ka ardhur koha të thuhet ?jo në emrin tim’?, theksoi ish-sekretarja e Shtetit, konservatorja Anna Soubry për ?Guardian?.

Gjykata e Anglisë dhe Uellsit dënoi gjithashtu sulmet e rënda dhe të pajustifikueshme kundër gjyqtarëve dhe shprehu keqardhje për mungesën e reagimit nga ana e ministres së Drejtësisë, Liz Truss.

Shërbimet e saj publikuan sot disa orë më vonë një komunikatë të shkurtër, pa dënuar drejtpërdrejt sulmet. Ministrja mbështeti institucionin gjyqësor duke nënvizuar se pavarësia është themeli mbi të cilin qëndron Shteti i së Drejtës.

Kjo ngjarje e përsëritur që prej referendumit për BE-në më 23 qershor është një vështirësi tjetër për Theresa May, e cila bëri të qartë se do të aktivizonte deri në fund të muajit mars nenin 50 të Traktatit të Lisbonës, që nis procedurën e divorcit me BE-në duke anashkaluar Parlamentin.

Luftarak, ekzekutivi ka njoftuar menjëherë se do të apelonte vendimin në Gjykatën Supreme, ndërkohë që May ka konfirmuar se do të mbante të pandryshuar kalendarin e saj gjatë bisedave telefonike me kancelaren gjermane Angela Merkel dhe presidentin francez, François Hollande.





Lajmet e fundit nga