web counter
LEXO PA REKLAMA!

SHKARKO APP

App Store
Google Play

E fundit!

x

Miku i Elton Çiços ruhet në spital nën masa të rrepta sigurie/ Dyshime për vrasës me pagesë

3 Nëntor 2016, 08:03, Aktualitet CNA

Andi Mustafaraj, i mbijetuari i atentatit në zonën e ish-Ekspozitës në Tiranës, ruhet në spital nën masa të rrepta sigurie.

Përgjatë 24 orëve, dy oficerë policie qëndrojnë në gatishmëri në derën e dhomës ku ndodhet i shtruar 29-vjeçari, i cili mori dy plumba në trup.

Burime nga policia thanë se mbrojtja ndaj tij është bërë për të parandaluar ndonjë ngjarje tjetër të mundshme, që mund të ketë pasoja të rënda, shkruan Gazeta Shqiptare.

Policia e Tiranës po vijon hetimet për atentatin e ndodhur në zonën e ish-Ekspozitës, por deri më tani nuk është bërë identifikimi i autorëve të mundshëm të krimit. Ndonëse ka dyshime se atentati ndaj Mustafarajt është në vazhdën e konflikteve mes dy grupeve kriminale, deri më tani policia nuk ka mundur të sigurojë ndonjë provë që të mund t?i çojë tek autorët.

Vetë i plagosuri nuk ka dhënë ndonjë dëshmi me vlerë që do të ndihmonte policinë në zbardhjen e ngjarjes. Mësohet se 29-vjeçari është marrë disa herë në pyetje, duke pohuar se nuk ka pasur konflikte me asnjë person dhe se nuk ka mundur të shohë se kush e qëlloi me armë.

Andi Mustafaraj është mik i ngushtë i Elton Çiços, i vrarë në zemër të Tiranës më 1 maj të këtij viti. /Citynews





Lajmet e fundit nga