E fundit!

08:16 Ekonomi

Izolimi rajonal, 22% e qytetarëve të Ballkanit nuk udhëtojnë fare te fqinjët

Pavarësisht përpjekjeve shumëvjeçare për bashkëpunim rajon...

Denoncimi në JOQ/ Reagon drejtoresha e shkollës Raqi Qirinxhi

3 Nëntor 2016, 20:34, Aktualitet CNA

Faqja JOQ ka publikuar sot në rrjetet sociale denoncimin e një qytetari, i cili shprehej se drejtoresha e gjimnazit Raqi Qirinxhi në Korçë i kishte detyruar ata të paguajnë 2200 lekë për uniforma. Sipas denoncuesit, drejtoresha në fjalë është duke zhvatur nxënësit dhe po i kërcënon ato që nëse nuk paguajnë lekët do të kenë probleme. Ai shprehet se blerja e uniformës nuk është detyrim ligjor.

Në krah, denoncimi i qytetarit

Keti Qirinxhi: Uniforma dhe disiplina në shkollë është njëlloj për të gjithë

Pak orë pas denoncimit të publikuar në rrjetet sociale, ka ardhur reagimi i drejtoreshës së gjimnazit ?Raqi Qirinxhi?, Keti Qirinxhi. Përmes një postimi në rrjetet sociale, Keti Qirinxhi shprehet se rregulli dhe veçanërisht uniforma në shkollë është e justifikuar me norma ligjore. Ajo thekson se disiplina është njëlloj për të gjithë, në shkollat publike dhe në ato privatet. Sipas saj, pajisja e nxënësve të një gjimnazi me uniformë ka argumentat ligjore, por edhe edukative. Ajo thekson faktin se vendimi për të pasur një uniformë për nxënësit e shkollës është marrë pas diskutimeve me nxënësit, prindërit, Bordin e shkollës, Këshillin e Prindërve dhe Qeverinë e nxënësve.

Keti Qirinxhi shpjegon edhe mënyrën e mbledhjes së lekëve për uniformat, që sipas saj është tepër transparente. Më poshtë, reagimi i plotë i drejtoreshës së shkollës Raqi Qirinxhi në Korçë.
“Pershendetje Miq! tek lexoj nje pacavure denigruese ne nje faqe Jeta na qenka qejf, me vjen keq se pari per gjuhen shqipe dhe logjiken e humbur si dhe per injorancen qe na ka kapluar vecanerisht tek nje pjese e madhe e brezit ti ri , nese “ky” qe shkruan eshte i ketij brezi. Se dyti akoma me keq kur degjoj prej kesaj moshe te flase jo duke argumentuar, por duke fyer dhe mllefosur veten , po pa u shfaqur as me qejf. Te dashur miq! Edhe pse kjo faqe nuk me pelqen, sepse jeta nuk eshte kaq QEJF, por mbetet te sqaroj: rregulli dhe vecanerisht uniforma ne shkolle eshte e justifikuar me norma ligjore. Askush nuk duhet te pretendoje per shkolle publike apo private , sepse disiplina eshte njelloj per te gjithe.

Paisja e nxenesve te nje gjimnazi me uniforme, ka argumentat e veta , jo vetem ligjore, por mbi te gjitha edukative dhe qe tregon jo vetem dashuri e serozitet, por dhe BARAZI, rregull, shmang pabarazine, shmang inferioritetin dhe pse jo veshjet ekstravagante dhe estetikisht te shemtuara. Vendimi per paisje me uniforme eshte marre pas diskutimeve per nje kohe te gjate, me te gjithe nx, me te gjithe prindrit, me Bordin e Shkolles, me Keshillin e Prinderve, me Qeverine e nxenesve. Askush nuk ka qene kunder, perkunrazi eshte pershendetur. Sigurisht ka dhe mendime kunder, dhe ne i respektojme, por nuk perbejne shumice. Cdo detaj eshte ne transparence te plote. Gjithcka deri dhe qindarka faturohet . Kushdo qe mendon ndryshe , eshte i lutur te kerkoje informacion dhe te ndjeke procesin nga afer. Leket mblidhen nga nxenesit dhe mesuesit kujdestare, derdhen ne sekretari me disa firma. Cdo gje eshte me fatura te rregullta dhe cdo transferte ne kompanine prodhuese kalon permes bankes. Megjithe dashakeqesine, mediokritetin, mungesen e vizionit dhe te argumentit, shumica ne demokraci VENDOS, sepse ajo ben me te miren, e mira i takon ne fund te gjitheve.

Mos t`i katandisim shkollat vende ku vegjetohet , ku dominon dhuna, pabarazia dhe injoranca. Ne japoni ne hyrje te shkollave shkruhet” Ketu behet moral” dhe kjo i ka cuar keto shoqeri ne ate lartesi ku ne nuk i shohim dot dhe na vjen keq per kete. Mos te edukojme akoma ne shkolla te rinj qe te ecin drejt te ardhmes ne menyre te verber, te indoktrinuar keq nga cdo forme e politikes, apo me keq akoma me kutin e injorances, paaftesise, frikes dhe shpirtit te keq. Ju lutem vleresojeni kete koment dhe ejani te shihni kete gjimnaz e te bisedoni me te rinjte atje, te cilet besoj jane krenare qe kane zgjedhur te studjojne ne kete gjimnaz per te qene brezi i “Raqit”.Uroj qe te deshperuarit te pendohen qe jane nxitur gabim. Mos, te dashur nxenes , mos e ngaterroni jeten tuaj, arsimimin tuaj, jeten tuaj, edukimin tuaj me asnje nxitje nga jashte. DUAJENI ME SHUME VETEN , SEPSE NESER TE TJERET NUK DO TE KENE KOHE PER JU!”