web counter
LEXO PA REKLAMA!

SHKARKO APP

App Store
Google Play

E fundit!

x

Basha: Shqipëria narko-republikë/ Rama pengesë për ecjen e vendit përpara

2 Nëntor 2016, 14:27, Aktualitet CNA

Kryetari i Partisë Demokratike, Lulzim Basha, është skeptik për vendimin e Komisionit Europian për hapjen e negociatave.

Sipas tij, garantimi i zgjedhjeve të lira dhe të ndershme, lufta kundër drogës dhe zbatimi i ligjit për dekriminalizimin janë kthyer sot në pengesën numër një për avancimin e Shqipërisë në rrugën e integrimit.

“Rama nuk është pjesë e zgjidhjes, por është pjesë e problemit, vetë problemi. Kthimin e Shqipërisë në hambar droge e ka projektin e tij politik për të prishur dhe kapur zgjedhjet e ardhshme. Këtë shqetësim që kemi ndarë sot me grupin parlamentar e në vijimësi me opinionin publik e kemi kthyer në qendër të betejës sonë politike brenda dhe jashtë Shqipërisë. Zgjedhjet e lira dhe të ndershme, lufta kundër drogës dhe zbatimi i ligjit për dekriminalizimin janë kthyer sot në pengesën numër një për avancimin e Shqipërisë në rrugën e integrimit euriopian, në hapjen e negociatave për të anëtarësuar Shqipërinë në BE. Edhe tek zbatimi i ligjit të dekriminalizimit, edhe tek çështja e drogës dhe shndërrimit të Shqipërisë në një narko-republikë, edhe tek çështja e zgjedhjeve të lira dhe të ndershme, faktori që i mban këto të treja të lidhura me njëra-tjetrën është kryeministri i vendit, Edi Rama. Pengesa kryesore për ecjen e Shqipërisë përpara është Edi Rama”, tha Basha në një komunikim me gazetarët.

Në media është shkruar se  kancelarja gjermane Angela Merkel do ta presë Ramën në Berlin më 28 nëntor ku dhe do t?i kumtojë edhe lajmin se BE e fton Shqipërinë për të hapur negociatat për anëtarësim në bllok, por Basha u shpreh se arma e vetme e qeverisë është manipulimi i qëndrimeve të komunitetit ndërkombëtar.

“Arma e vetme e qeverisë dhe Edi Ramës është manipulimi i opinionit dhe manipulimi i qëndrimeve të komunitetit ndërkombëtar. Unë shpreh bindjen e thellë se qëndrimi i konsoliduar kombëtar dhe ndërkombëtar se Shqipëria nuk mund të ecë përpara pa zgjedhje të lira dhe të ndershme, pa zbatuar ligjin për dekriminalizimin dhe pa një luftë të vendosur kundër drogës që është sot serumi i vetëm i një të sëmuri që po jep shpirt, që është qeveria e Edi Ramës, ky është një mesazh që rezonon dhe do të rezonojë në çdo komunikim serioz ndërkombëtar”, shtoi kryeopozitari.

Bashkëpunimi me LSI-në

“Ka edhe keqinterpretime të zyrtarëve dhe përfaqësyesve të lartë të PD. Në një betejë ekzistenciale në krimin e veshur me pushtet që është më i keq se çdo diktaturë për një qëllim madhor kombëtar siç është garantimi i zgjedhjeve të lira dhe të ndershme, është i thirrur kushdo qytetar dhe faktor politik që nuk është pjesë e krimit, drogës, dhe vullnetit për të prishur zgjedhjet e shqiptarëve. Ky është dhe kufiri që ndan dy lloj forcash politike. Sa i përket koalicioneve elektorale, ky është diskutim tjetër. Kjo nuk do të eklipsojë vendimin tonë për të ndërtuar aleancën më të madhe të mundshme për tu dhënë shqiptarëve zgjedhje të lira dhe të ndershme. Kur vjen puna për një aleancë kundër krimit, drogës dhe për zgjedhje të lira dhe të ndershme edhe çdo deputet socialist që ka guximin ta thotë publikisht atë që mendon sot privatisht është i mikëpritur në këtë betejë. Koalicionet elektorale janë një çështje tjetër”, u shpreh kreu i PD-së Lulzim Basha. /Citynews





Lajmet e fundit nga