web counter
LEXO PA REKLAMA!

SHKARKO APP

App Store
Google Play

E fundit!

x

Asgjësohen 650 bimë kanabis/ Arrestohen dy persona, dy të tjerë shpallen në kërkim (Emrat)

27 Tetor 2016, 16:06, Aktualitet CNA

Policia e Tiranës ka asgjësuar 650 bimë kanabis dhe ka arrestuar dy persona, ndërsa ka shpallur në kërkim dy të tjerë. Burime nga policia bëjnë me dije se Specialistët e Komisariatit të Policisë Nr 4, arrestuan shtetasit  Sokol Mjolli, 44 vjeç, banues në Tiranë dhe Florjan Hasa, 32 vjeç, banues në Tiranë.

Të njëjtat burime theksuan se janë shpallur në kërkim shtetasit G. A., 46 vjeç, banues në Tiranë dhe F. D., 55 vjeç banues në Tiranë

Nga informacionet që disponoheshin nga Specialistët e Komisariatit të Policisë Nr 4, se në fshatin Shëngjergj, në një zonë të pyllëzuar, ka parcela të kultivuara me bimë narkotike, menjëherë janë dërguar Shërbimet të cilët kanë bërë të mundur konstatimin dhe arrestimin në flagrancë të shtetasve Sokol Mjolli dhe Florjan Hasa, gjatë kohës që po punonin në parcelë.

Këta shtetas dyshohen se kanë qënë së bashku me shtetasit G. A. dhe F. D., të cilët kanë arritur të largohen me vrap duke përfituar nga terreni malor dhe i pyllëzuar. Bimët narkotike ishin të mbjella në tre parcela pranë njëra-tjetrës, ku në total janë asgjesuar me anë të djegies 650 bimë të dyshuar narkotike të llojt Cannabis Sattiva.

Po punohet për kapjen e personave të shpallur në kërkim. Materialet proceduriale i’u kaluan Prokurorisë pranë Gjykatës së shkallës së parë Tiranë, për veprat penale “Prodhim dhe shitje e narkotikëve” dhe “Kultivimi i bimëve narkotike”





Lajmet e fundit nga