web counter
LEXO PA REKLAMA!

SHKARKO APP

App Store
Google Play

E fundit!

x

Avokati i Popullit thirrje Bushatit/ Mos e voto Ligjin për Minoritetet

18 Tetor 2016, 14:45, Aktualitet CNA

Avokati i Popullit  Igli Totozani, i ka bërë thirrje ministrit të Jashtëm Ditmir Bushati të mos vonojë Ligjin për Minoritetet, por ta dërgojë atë në Parlament sa më parë.

“Ligji për minoritetet duhet të ishte në Parlament për miratim në muajin Tetor, por ende nuk dihet se çfarë po bëhet me të. Ndaj i bëj thirrje ministrit Bushati të mos e vonoj ligjin, pasi në këtë mënyrë vonon përmirësimin e jetës së qytetarëve të minoritetit romë, por gjithashtu vonon edhe përmbushjen e detyrimeve të Shqipërisë për integrimin europian?, tha Totozani

Avokati i Popullit mori pjesë sot në konferencën ?Integrimi i romëve dhe rritja e bashkëpunimit midis shteteve në rajon? organizuar nga Amarodrom.

Në fjalën e tij, Totozani tha se romët në Shqipëri janë të përjashtuar social dhe se trajtohen si qytetarë të nivelit të dytë.

Romët janë qytetarë të nivelit të dytë. Kam hyrë në barakat e tyre kudo në Tiranë dhe në gjithë Shqipërinë. I kam parë si jetojnë dhe ndaj ju them me bindje se ata janë të përjashtuar social. Problemet e tyre janë shumë të mëdha. Ata janë pa punë, pa strehim, nuk kanë akses në shëndetësi, në Drejtësi. Kanë probleme me arsimin e fëmijëve, me braktisjen e shkollave”, u shpreh Avokati i Popullit. /Citynews





Lajmet e fundit nga