web counter
LEXO PA REKLAMA!

SHKARKO APP

App Store
Google Play

Manjani kërkoi ushtrinë për kanabisin/ Rama kërkon shkarkimin e tij

18 Tetor 2016, 12:22, Aktualitet CNA

Deklarata e ministrit të drejtësisë Ylli Manjani se, duhet të dalë ushtria për të luftuar hashashin duket se do të sjellë “probleme” brenda mazhorancës.

Kjo nuk i ka pëlqyer kryeministrit Rama dhe sipas “Koha Jonë”, Rama është nxehur shumë dhe do ti kërkojë Ilir Metës që ta largojë si ministër, pasi po kundërshton autoritetin e kryeministrit.

“Na takon ne që të reagojmë në mënyrë proporcionale. Ne duhet të reagojmë edhe më fort edhe sesa sot. Po qe e nevojshme them se duhet të dalë edhe ushtria. Për të dhënë një mesazh, edhe ushtria duhet të dalë. Nga ky fenomen o ndahemi tani, o nuk ndahemi më. O ndahemi më sa ka filluar, ose kur të ndahemi do jetë shumë vonë dhe shumë e vështirë. Nuk shkon më. Nuk e ka në traditën e vet askush në këtë vend që të marrë drapër të kësaja natyre”, u shpreh ditën e sotme Manjani.

Deri tani, ushtrinë në terren për të luftuar narkotrafikantët e ka nxjerrë vetëm Kolumbia. Ndërsa në Shqipëri, deri tani ushtria ka dalë në terren vetëm për të mbledhur plehrat nëpër rrugë kombëtare.

Në fakt vetëm ministri i drejtësisë flet hapur dhe pa frikë ndër ministrat e qeverisë, edhe kur nuk i pëlqen kryeministrit.  /Citynews





Lajmet e fundit nga