web counter
LEXO PA REKLAMA!

SHKARKO APP

App Store
Google Play

E fundit!

x

Vendimi/ Sa do të rriten pagat dhe pensionet

16 Tetor 2016, 15:55, Aktualitet CNA

Qeveria ka përgatitur vendimin për rritjen e pagave dhe pensioneve. Të ardhurat për pensionistët dhe për të punësuarit, pritet të rriten nga 500 deri në 10 mijë lekë. Vendimi duket se ka marrë edhe miratimin e FMN-së dhe pritet që të miratohet në Këshillin e Ministrave. Pensionet pritet të rriten me 3-4%, ndërsa pagat do të rriten nga 10-20%. Fondi që do të akordojë qeveria do të jetë 100 milionë dollarë.

Rritja e pagave

Paga minimale prej 22 mijë lekësh do të rritet me minimum 2 mijë e 200 lekë dhe do të shkojë minimum 24.200 lekë. Paga mesatare në sektorin privat nga 40 mijë do të shkojë në 44 mijë lekë. Paga mesatare e mjekëve nga 60 mijë lekë do të shkojë në 66 mijë, ndërsa për infermierët paga mesatare do të shkojë 41.800 lekë. Nga kjo rritje do të përftojnë edhe mësuesit të cilët nga 53 mijë lekë që është paga mesatare do të përfitojnë 58.300 lekë në muaj.

Pensionet

Për pensionet do bëhet një rritje më e vogël. Kështu pensioni social nga 6750 lekë që është sot, pritet që të shkojë 7 mijë lekë. Pensioni minimal nga 14 500 lekë, pritet të rritet me rreth 550 lekë dhe të shkojë 15 mijë lekë të reja. Pensioni mesatar nga 17 mijë, do të shkojë 17 600 lekë, ndërsa pensionet e larta nga 24, bëhen 24 850 lekë.

Si ndryshojnë pagat e pensionet

Pagat rriten në masën 10-20%

Është – Bëhet

Paga minimale                            22.000 – 24.200

Pagat mesatare                          40.000 – 44.000

Paga e mjekëve                          60.000 – 66.000

Pagat e infermierëve                   38.000 – 41.800

Pagat e mësuesve                      53.000 – 58.300

Paga mesatare në shtet              50.000 – 55.000

 

Qeveria do të indeksojë edhe pensionet. Rritja e pensioneve në masën 3-4%

Është – Bëhen

Pensioni social             6.750 – 7.000

Pensionet minimale     14.500 – 15.000

Pensionet mesatare     17.000 – 17.600

Pensionet e larta           24.000 – 24.850





Lajmet e fundit nga