web counter
LEXO PA REKLAMA!

SHKARKO APP

App Store
Google Play

Çfarë pret Prokuroria? - nga Julian Deda

16 Tetor 2016, 13:05, Aktualitet CNA

Sot, Mali i Zi ka zgjedhje. A e dini se ky shtet, ku jetojne shume shqiptare, mund te kete 1000 probleme, por ajo qe Shqiperia duhet te marre shembull nga Mali i Zi, eshte Prokuroria. Shtetasit e vendit fqinj, kane nje besim te forte dhe gjithmone ne rritje te institucioni i akuzes.

Ju mund te thoni, se çfare ka bere ky Prokuror i Pergjithshem, qe te meritoje kete besim? Po ju permend vetem nje rasta te “thjesht”. Hetoi dhe nuk kishte frike te çonte para gjykates Kryetarin e Bashkise se Budves, sepse ky i fundit ja shiti qytetin ruseve, duke futur ne xhep miliona euro. E kunderta ndodh ne Shqiperi, qe pretendon te jete shteti lokomotive i Ballkanit. Ketu, besimi te Prokuroria eshte zero. Mendimet jane te ndryshme, dikush mendon se eshte paaftesi, dikush frike, dikush thote se ajo zyre eshte e kapur.

Nuk e di kush eshte e verteta, por ajo qe di me siguri eshte se nuk po shohim asnje njeri te pushtetshem para gjyqit, e me pas prapa hekurave. A ka kellqe Prokuroria te hetoje vdekjen e Arditit dhe te çoje ne banken e te akuzuarit çdo pergjegjes, qofte edhe Kryetarin e Bashkise, nese eshte i fajshem? A ka kellqe Prokuroria, qe perpara se çoje ne gjyq ata qe shkaterruan nje bunker namkeq ne mes te Tiranes, te hape dosjet dhe te çoje ne gjykate ata qe blene votat ne Diber? Mora dy raste te fresketa, qe te mos i hy ngjarjeve te renda, per te cilat do surprizohesha po te merrja pergjigje.

Çfare pret Prokurori? Pret qe ta shtyje shteti? Ta harroje, shteti do e shtyje te beje te kunderten, qe akuza te deshtoje dhe te thote se fajin e ka Saliu. Çfare pret Prokurori? Pret qe ta shtyje opozita? Ta harroje, opozita nuk ka kellqe ta shtyje, sepse ka friken e efektit boomerang. Me pak fjale eshte e zene ne cep ne kete çeshtjen e gjyqesorit. Çfare pret Prokurori? Pret ta shtyje rinia. Me vjen keq, rinia nuk ka kohe se po merret me ndarje tokash ne FRESSH dhe ne FRPD. Çfare pret Prokurori? Pret qe ta shtyjne intelektualet? Nuk ma do mendja te ndodh, ata jane te zhgenjyer, ose me te zhgenjyerit ne kete vend dhe po plotesojne llotarine amerikane. Atehere çfare pret? Çfare?!?!





Lajmet e fundit nga