web counter
LEXO PA REKLAMA!

SHKARKO APP

App Store
Google Play

Ndryshime në Kodin Penal/ Aksidentet ndaj policëve të cilësohen “vrasje rrugore”

26 Shtator 2016, 14:27, Aktualitet CNA

Ministri i Brendshëm, Sajmir Tahiri deklaron se do të vendosen masa shtrënguese më të rrepta ndaj aksidenteve ndaj policëve. Ministri Tahiri tha se do të propozojë ndryshime në Kodin Penal, duke i konsideruar si ?vrasje rrugore?, dhe jo aksidente me pasojë vdekjen.

Kjo deklaratë e ministrit vjen pas aksidentit të një nate më parë ku një punonjës policie humbi jetën dhe dy të tjerë mbetën të plagosur në Kamzë, pasi mjeti i tyre gjatë patrullimit, u përplas nga një makinë që ecte me shpejtësi 150 km/orë.

?Unë shumë shpejt do propozoj një amendim në Kodin Penal, në mënyrë që aksidentet me pasoja në shëndetin apo jetën e njerëzve të mos quhen më ?Aksidente me pasojë vdekjen?, por ?Vrasje rrugore?, u shpreh ministri Tahiri.

Ministri i Brendshëm tha se synon me këtë shembullin e disa vendeve në Europë që e kanë bërë këtë gjë më parë, duke mos i klasifikuar aksidentet si të tilla me pasoja në shëndetin apo jetën e qytetarëve por si ?plagosje/vrasje rrugore?.

Lidhur me deklaratën e kreut të opozitës për këtë çështje ministri i Brendshëm e konsideroi për të ardhur keq, si një sulm ndaj tij dhe Policisë së Shtetit.

?Mua më vjen shumë keq që edhe sot kryetari i Partisë Demokratike gjeti rastin që me këtë fatkeqësi të më sulmojë mua dhe Policinë e Shtetit. Unë nuk dua dhe as e shoh të mundur në këto momente të bëj politikë. Por këtë e shoh si një moment për t?i bërë thirrje të gjithë atyre që kanë energji pozitive për këtë punë: të bëhemi bashkë për të përkrahur Policinë e Shtetit?, tha ministri Sajmir Tahiri.

Nga aksidenti i mbrëmshëm kur një foristradë përplasi mjetin e policisë, humbi jetën efektivi Ervin Haxhiaj, ndërsa mbetën të plagosur dy kolegët e tij. /Citynews.al

 

 

 





Lajmet e fundit nga