E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Mero Baze, sulmin e Mustafa Nanos ja faturon opozitës

26 Shtator 2016, 12:25, Aktualitet CNA

Ne nje editorial ne te perditshmen TemA, Mero Baze akuzat e forta te Mustafa Nanos ndaj Edi Rames i gjen si dobesi te opozites e cila nuk prodhon dot politike.

Baze shkruan:

Mustafa Nano ka arritur të ngjallë debat me një deklaratë të rëndë kundër kryeministrit Edi Rama, të cilin e konsideron të kapur nga klane të korruptuara dhe u bën thirrje socialistëve ta zëvendësojnë atë. Duke e krahasuar me Berishën, ai e gjen Ramën si të përdorur nga kriminelët, ndërsa Berishën një kriminel autentik, dhe mendon se është më mirë të bëjmë betejë me dikë që e dimë kush është. Në këtë rast Berisha!

Ajo që më bën përshtypje tek reagimet ndaj deklaratave të Nanos, nuk janë të acaruarit pse ka sulmuar Edi Ramën, por ata që janë acaruar nga radhët e opozitës se mos u bëhet Muçi me Berishën.

Shumë prej tyre, dhe kam parë disa këto ditë, janë të shqetësuar se mos deklarata e Mustafa Nanos është një mënyrë e këtij të fundit, për t?u ?ricikluar? pranë opozitës dhe u merr atyre kontributin për sjelljen e PD në pushtet.

Nuk do t?ia vlente t?i merrje seriozisht, po të mos shikosh se nga çfarë rrethohet opozita e sotme. Pra në gjithë atë zallamahi të Muç Nanos, dhe atë shpërthim të tij edhe emocional kundër Ramës, njerëzit që bëjnë PR e opozitës janë të shqetësuar, se mos u zërë ?kush vendin? aty afër liderit opozitës. Dhe më keq se kaq, është ideja se ata e paskan vuajtur shumë thirrjen po ashtu plot zhrumë të Muç Nanos, tre vjet më parë, rreth bashkimit të gjithkujt kundër ?kryeplehrës Berisha?, qofshin këto dhe plehra.

Nga ky reagim mund të nxirren disa përfundime për opozitën e sotme.

E para ajo nuk prodhon politikë apo ide politike, por lista pagatorësh që duhet të bëjnë propogandë nëpër rrjete sociale dhe si të tillë ata nuk shqetësohen për forcimin e frymës opozitare në vend, por për dobësimin e pozitës së tyre.

Së dyti opozita ka ushyer idenë se disa nga opinionistët kundër saj do ?vijë dita të ndëshkohen? dhe i ka kapur frika se mos akte të tilla publike si ai i Muçit mund t?i ?amnistojë?.

Por më e keqja është se opozita dhe njerëzit e saj mendojnë se njerëz të letrave si Muç Nano, apo opinionistë të tjerë, që jetojnë me punën e tyre duke shkruar, duhet të kenë nevojën patjetër për pushtetin për të jetuar. Ata vazhdojnë t?i qëndrojnë modelit të Frangajt, si model i raporteve të pushtetit me shtypin, se njerëzit duhen motivuar të bëhen propagandues, duke premtuar shpërblime ose duke i kërcënuar se do vdesin për bukë. Me këtë kriter, urrejtjen e madhe që kanë për Muç Nanon, pse ua ka quajtur Berishën kryeplehër, ata duhet ta shikonin të materializuar me ndonjë shpërblim të madh për të, pas ardhjes së Ramës në pushtet. Por siç mund dhe ta kenë parë, prej vitit 2013, Muç Nano nuk ka ndojë lidhje me pushtetin që përmbysi ?kryeqelbësirin? dhe jeton për mrekulli pa këtë lidhje. Po kaq mirë do jetojë dhe nëse ndonjë ditë në pushtet vjen PD, pasi një njeri i lirë, nuk i var shpresat tek kocka që do t?i hedhë pushteti.

Por fakti që PD vazhdon të rrethohet nga një mentalitet i tillë, ka për ta zgjatur shumë rikthimin në pushtet, pasi ajo mërzitet më shumë nga ata që e ndihmojnë falas se sa nga ata që paguhen. Dhe këta të fundit duhet ta dinë se dhe nëse ndodh mrekullia, po e ushqyet PD me këtë mendja, ua merr prap Sandri të gjitha. Se aty ai është i pakonkurrueshëm. Por që të jeni të qetë, mos e ngatërroni Muçin me Sandrin. Problemi që ngre Muçi është se Rama është bërë me Sandrin, jo Sandri me Ramën. Sandrin aty e keni, mos u trembni kot nga Muçi. Nuk ua sheh derën!