web counter
LEXO PA REKLAMA!

SHKARKO APP

App Store
Google Play

E fundit!

x

Rihapet afati i aplikimeve për ish-të përndjekurit

12 Shtator 2016, 06:58, Aktualitet CNA

Dëmshpërblimi për të përndjekurit do të përfshijë edhe ata që kanë aplikuar jashtë afatit të vendosur në 2009. Ndryshimet në ligj për të bërë të mundur këtë janë dërguar për miratim në qeveri. Ministri i Mirëqenies Sociale, Blendi Klosi e ka konfirmuar këtë përmes një prononcimi për gazetën Panorama. ?Shumë shpejt do të kalojmë për miratim në qeveri disa ndryshime ligjore, të cilat i japin mundësi të gjithë atyre familjeve që kanë aplikuar jashtë afatit të bëhen pjesë e dëmshpërblimit”, shprehet Klosi.

Një propozim nga Instituti i ish-të përndjekurve për të zhbllokuar pagesat për të internuarit nuk ka gjetur dakordësi. Ministri Klosi thotë se kjo bëhet për të mos rrezikur mosrealizimin e skemës aktuale.

Fondi për dëmshpërblimin e ish-të përndjekurve për këtë vit, është 2 miliardë lekë në total.

1.4 miliardë janë vënë në dispozicion të personave të kësaj kategorie që ende jetojnë, por vetëm 800 milionë janë shpërndarë për 770 të dënuar, për këstin e 6-të, deri tani kur viti do dhe tre muaj të mbyllet.

Nga fondi i plotë janë edhe 600 milionë të vëna në dispozicion për kategorinë e trashëgimtarëve të cilët deri tani nuk kanë marrë asnjë pagesë, për këtë vit. Nga të dhënat zyrtare rezulton se nga 23 mijë dosje vetëm 2300 janë të dënuar që jetojnë. /Citynews.al





22:53 Aktualitet

Luzni/ Fiton Rama

Kandidati socialist Muharrem Rama kryeson numerimin e votave...

Lajmet e fundit nga