E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Deputetët e PS kundër Kokëdhimës: Nuk e njeh partinë, erdhi si mik i Ramës/ Lista nga kryesia

11 Shtator 2016, 07:14, Aktualitet CNA

Deputetët e Partisë Socialiste shpërthejnë kundër Koço Kokëdhimës, i cili ende guxon të bëjë propozime që kanë të bëjnë me organizimin e brendshëm të partisë, edhe pse nuk është më deputet. Sipas të përditshmes Sot, socialistët kanë reaguar ashpër ndaj deklaratës së Koço Kokëdhimës, që listat e kandidatëve për deputetë të zgjidhen nga baza dhe jo nga qendra. Deputetët socialistë i bëjnë të qartë Kokëdhimës, se nuk e njeh Partinë Socialiste për nga mënyra se si funksionon.

?Hartimi i listës së deputetëve nga qendra, ka qenë e vetmja metodë e zbatuar nga Partia Socialiste. Jo vetëm për mandatin e deputetëve, por edhe të kryebashkiakëve, kryetarëve të forumeve dhe organizatave, është Kryesia ajo që ka të drejtën e vendimmarrjes përfundimtare. Këtë nuk e di Kokëdhima sepse nuk ka ardhur në PS si kontribuues, por si mik i Edi Ramës?, deklaroi Deputeti i Lushnjes, Bujar Çela.

Ndërsa deputeti Andrea Marto tha se tashmë janë të përcaktuara procedurat e përzgjedhjes së kandidatëve për deputetë.?Procedurat e përzgjedhjes së kandidatëve për deputetë janë të përcaktuara. Nëse do të nevojiten ndryshime, ato do të miratohen nga strukturat e PS (Kryesia dhe AK). Jam i bindur se strukturat e çdo partie janë të afta të përzgjedhin kandidatët e pëlqyer nga baza e tyre?, tha deputeti Marto.

Deputeti Sadri Abazi tha se, nëse kandidatët zgjidhen nga baza, atëherë qendra e humbet funksionin e saj. ?Si mund ta propozojë baza përfaqësimin e partisë? Por partia në qendër, çfarë bën?! I them faleminderit shumë Kokëdhimës, të na lërë kështu siç jemi!?, u shpreh deputeti Abazi. Ndërsa deputeti Arben Çuko u shpreh se Kryesia e PS nuk mund të injorohet ?Ka ende kohë për të folur për listat e kandidatëve. Megjithatë, të drejtën e vendimmarrjes e ka vetëm Kryesia, si forumi më i lartë i Partisë Socialiste. Vendimet e saj duhet të respektohen, pasi Kryesia gjithmonë do të përzgjedhë kandidatë të denjë që do t?i shërbejnë zonave ku ata do të zgjidhen, për të qenë sa më të dobishëm për elektoratin e tyre?, tha Çuko. Deputeti Paulin Sterkaj tha: ?Kjo nuk është e mundur sepse bie ndesh me statutin e PS dhe Kodin Zgjedhor. Është qendra ajo që harton listën e kandidatëve për deputetë. Kokëdhima ka qenë deputetët, sigurisht ai ka idetë e tij, ndërsa ne kemi idetë tona?, tha Sterkaj. /Citynews.al