web counter
LEXO PA REKLAMA!

SHKARKO APP

App Store
Google Play

E fundit!

x

“Shtrëngohet rripi” për maturantët, vetëm 5 zgjedhje në fazën e dytë

10 Shtator 2016, 07:09, Aktualitet CNA

Maturantët këtë vit duket se e kanë punën pisk. Megjithëse ata nuk po heshtin, por protestojnë në kërkim të të drejtës së tyre dhe nga ana tjetër debatet në Parlament kanë arritur në kulm, duket se Ministria e Arsimit dhe Sportit nuk do të lëshojë pe.

Përmes një udhëzimi të bërë publik së fundi në faqen zyrtare të MAS përcaktohet vijimësia e procesit, i cili me sa duket ngushton mundësitë e të rinjve për hyrje në universitet.

Në fazën e dytë maturantët nga 10 preferenca, do të mund të zgjedhin vetëm 5. Në fazën e dytë dhe të fundit, studentët nuk do të mund të zgjedhin 10 degë, por vetëm 5 dhe më pas do të duhet të regjistrohen në 1 prej tyre.

?Kandidatët që aplikojnë në institucionet e arsimit të lartë, për program të dytë studimi apo transferim studimesh, kanë të drejtë të aplikojnë deri në 5 programe studimi, përpara fillimit të vitit akademik dhe sipas afateve të përcaktuara në këtë udhëzim?, thuhet në udhëzimin e Ministrisë së Arsimit.

Sipas udhëzimit të Ministrisë së Arsimit, kandidatët që duan të ndjekin një program të dytë studimi apo të transferojnë studimet, afati i vendosur për ta bërë këtë është nga data 7 deri në 19 shtator. Kjo është faza e dytë dhe e fundit që do të përcaktojë numrin e saktë të maturantëve që do të kenë mundësi të vijojnë studimet në arsimin universitar. Duket se pranimet do të jenë të vështira, paasi edhe raundi i parë ka lënë jashtë liste gjimnazistë me mesatare mbi 9.5. /Citynews.al

 





Lajmet e fundit nga