E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

KQZ: Asnjë komisioner për trajnim në katër vendet e trajnimit

10 Shtator 2016, 08:01, Aktualitet CNA

Komisioni Qendror i Zgjedhjeve ka bërë të ditur përmes një deklarate për shtyp se sot, në ditën e fundit të kalendarit të trajnimeve të Komisioneve të Qendrave të Votimit, deri tani, në të katër vendet e trajnimit, Peshkopi, Sohodoll, Tomin, Maqellarë, nuk është paraqitur asnje komisioner i KQV-së.

Sesionet e trajnimit të ditës së djeshme, u ndoqën nga 89 komisionerë, përkatësisht në Peshkopi, Maqellarë dhe Tomin. Në Sohodoll nuk u paraqit asnjë komisioner.

Në këto kushte kryetarja e KQZ-së Lefteri Luzi I bëri apel sërish partive politike të dërgojnë komisionerët në qendrat e votimit në trajnim.

?Ridërgoj apel për partitë politike për të dërguar komisionerët e Qendrave të Votimit në trajnim, duke siguruar se administratat e KQZ-së, do të jetë e gatshme të ofrojë trajnim, edhe përtej orarit të përcaktuar në skemën e trajnimit. Angazhimi i KQZ-së do të jetë maksimal, sikundër ka ndodhur edhe në procese të tjera zgjedhore, me qëllim që asnjë komisioner të mos ushtrojë detyrën pa u trajnuar paraprakisht për procedurat dhe veprimet sipas urdhërimeve ligjore?, tha Luzi.

Gjithashtu Luzi I ka bërë thirrje partive politike që të dërgojnë nesër anëtaërt e grupeve të numërimit të votave.

?Një apel më të fortë dua t?i adresoj partive politike, që ditën e nesërme, datë 10.09.2016, të dërgojnë anëtarët e Grupeve të Numërimit të Votave, për të marrë pjesë në sesionet e trajnimit që do të zhvillohen në ambienetet e shkollës ?Nazmi Rushiti?, sipas lajmërimit të bërë nga KQZ. Është e një rëndësie të veçantë, që numëruesit e votave, që kryejnë fazën përmbyllëse të procesit zgjedhor të datës 11 shtator 2016, të jenë të trajnuar, të njohin mirë procedurat ligjore, me qëllim që të ushtrojnë korrektësisht detyrat e tyre të rëndësishme?, u shpreh Luzi.

Sipas KQZ, nga të dhënat e dërguara nga KZAZ nr. 19, janë akredituar 268 vëzhgues për Qendrat e Votimit. /Citynews.al