web counter
LEXO PA REKLAMA!

SHKARKO APP

App Store
Google Play

Klosi: Papunësia bie me 1.4%, 38 mijë vende pune

10 Shtator 2016, 13:17, Aktualitet CNA

Ministri i Mirëqenies dhe Çështjeve Sociale Blendi Klosi gjatë një vizite në një ndërmarrje fason në Kavajë , deklaroi se janë hapur vende të reja pune nga investitorë të huaj dhe kualifikimi i të rinjve do të ulë papunësinë.

?Kushdoqoftë, politikan, analist, kritik i ri apo i vjetër i strategjisë sonë të punësmit, është i lutur të vijë në këto zyra pune të verifikojë këto shifr dhe këdo, votues të tij, mbështetës, simpatizantë, etj., t?i sjellë në këto zyra për punësim, së janë 38.846 vende të reja pune?, tha Klosi.

?Jemi në një nga bizneset e reja të hapura në zonën e Kavajë, një biznes që ka punësuar 200 punëtorë dhe pritet që punësimi deri në fund të vitit, do të jetë 700 ? 800 punëtorë, duke bërë një kërkesë të vazhdueshme pranë zyrave të punës, duke kërkuar profesionistë dhe persona me zanat gati për tu punësuar?, tha Klosi.

Ai nënvizoi se ka statistika reale për rënien e papunësisë. ?Papunësia bie me 1.4% dhe e di që ky është një debat shumë i madh dhe i rëndësishëm dhe unë kam komentet e mia që në zyrat e punës kudo në Shqipëri, ka kërkesa reale dhe vende të reja pune. Në shifrat e ISSH në Janar të 2016, ishin plot 132.534 punonjës të rinj të shtuar nga Janar 2014-ta. Pra, 433 mijë në Janar 2014 dhe janë shtuar 133.000 punonjës të rinj, e duke shtuar këtu të gjithë ata që janë punësuar në sektorin bujqësor?, tha Klosi

Klosi tha se shërbimi kombëtar i punësimit, do të vazhdojë të trajnojë dhe kualifikojë njerëzit në përputhje të plotë me kërkesat e tregut të punës. /Citynews.al

 





Lajmet e fundit nga