E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Meta në Konferencën “Sfidat e Institucioneve të Ombudsmanit përballë flukseve të përziera migratore”

8 Shtator 2016, 11:35, Aktualitet CNA

Kryetari i Kuvendit, z. Ilir Meta mori pjesë në Konferencën e Nivelit të Lartë të organizuar nga Avokati i Popullit të Shqipërisë me temë: ?Sfidat e Institucioneve të Ombudsmanit përballë flukseve të përziera migratore?.

Të pranishëm në këtë aktivitet ishin edhe Zëvendëskryeministri z. Niko Peleshi, Zëvendës Komisionerja e Lartë për të Drejtat e Njeriut të Kombeve të Bashkuara, znj. Kate Gilmore, Ombudsmanë dhe Mediatorë nga shumë vende të botës si dhe përfaqësues të trupit diplomatik.

Në fjalën e tij. Kryetari i Kuvendit, z. Ilir Meta theksoi se kriza e paprecedentë në hapësirën tonë të Mesdheut, ka krijuar një situatë mjaft problematike dhe sfiduese në shumë aspekte, që nga mbrojtja e të drejtave të njeriut e deri tek flukset migratore si dhe rreziku i terrorizmit në Evropë.

?Kryefjala mbetet mbrojtja e të drejtave të njeriut dhe roli që çdo aktor shtetëror dhe shoqëria civile në nivel kombëtar, por edhe ndërkombëtar, mund dhe duhet të luajë në këtë aksion prioritar mbarë-evropian, për zgjidhjen.

Çdo shtet ka detyrimin t?ju ofrojë ndihmë humanitare njerëzve në nevojë. Edhe Shqipëria ka dhënë kontributin e saj dhe është e gatshme ta ofrojë atë në vazhdim, brenda mundësive të saj?, tha z. Meta duke nënvizuar se ky kontribut lidhet jo vetëm me aspektin humanitar, por edhe me kujtesën historike të vendit tonë që i ka përjetuar eksperiencat tragjike të flukseve migratore të pas viteve 90?.

Meta shtoi se sot kur vlerat evropiane të solidaritetit janë më relevante se kurrë, kur duhet mbrojtur dinjiteti njerëzor dhe kur Evropa duhet të kishte reaguar në tërësi si një entitet edhe më i bashkuar, ne përballemi me sfida të paprecedenta në drejtim të ruajtjes të së drejtave universale njerëzore.

Duke e cilësuar si të pazëvendësueshëm dhe një garant të mirëqeverisjes, Kryetari i Kuvendit vlerësoi rolin e Ombudsmanëve dhe Mediatorëve në këtë situatë.

?Shqipëria tashmë është e vendosur në rrugën e saj drejt integrimit në BE. Dhe ne e kemi bërë të qartë që prej fillimit të krizës, se vendi ynë nuk beson në ngritjen e mureve. Në këtë situatë shqetësuese humanitare janë pikërisht solidariteti, partneriteti dhe ndarja e përgjegjësive mes vendeve të origjinës, tranzitit dhe destinacionit, vlera të cilat vendet e prekura duhet të reflektojnë. Janë pikërisht këto parime që sot kanë një rëndësi kritike për përballjen me krizën në disa rrafshe të ndërlidhura: për garantimin e të drejtave bazë të emigrantëve dhe menaxhimin e krizës humanitare, për zbutjen e flukseve migratore dhe luftën kundër trafikimit të qenieve njerëzore, si edhe për integrimin e emigrantëve në shoqëritë e reja që do t?i mirëpresin, apo integrimi i tyre pas riatdhesimit në vendet e origjinës?, tha z. Meta.

Gjithashtu,Kryetari i Kuvendit vlerësoi se rreziku aktual me të cilin përballet çdo shtet i prekur nga kriza migratore e pakontrolluar është depërtimi i elementëve terroristë midis personave migrantë aktualisht të parregullt.